Yəmənin Hudeyda limanında yəmənli qaçqınlara göndərilən xarab qida məhsullarının müsadirə olunduğu bildirilib.

Tashaio.com Əl-Məsirəyə istinadən xəbər verir ki, ələ keçirilən xarab ərzaq məhsulları Dünya Ərzaq Proqramı (WFP) tərəfindən Hudeydadakı qaçqınlara göndərilmişdi.

Yəmənin Ali İnqilab Komitəsinin sədri Məhəmməd Əli Əl-Husi bundan əvvəl də Dünya Ərzaq Proqramının Yəmən xalqı üçün xarab ərzaq məhsulları göndərməkdə ittiham etmişdi.

BMT-nin dərc etdiyi hesabatda, Yəmən müharibəsinin son illərdə ən faciəvi bəşəri faciələrdən birinə səbəb olduğunu qeyd edərək, 29 milyon əhalisi olan Yəməndə xalqın üçdə ikisinin qıtlığa məruz qaldığını bildirib.