Pakistanın xarici işlər naziri Şah Mahmud Kurəşi İranın şimal şərqində edilən intihar hücumu ilə bağlı Tehrana heyət göndərəcəklərini bildirib.

Tashaio.com Mehrə istinadən xəbər verir ki, İran Xarici İşlər Nazirliyinin saytından verilən açıqlamaya görə, Kurəşi ilə xarici işlər naziri Məhəmməd Cavad Zərif telefonla danışıblar.

Sistan-Bəlucistanda İnqilab Keşikçiləri ordusundan 27 əsgərin ölümünə səbəb olan intihar hücumunu qınayan Kurəşi, İran rəsmilərilə danışıqlar aparmaq üçün Pakistandan mütəxəssis bir heyətin Tehrana göndəriləcəyini bildirib.

Pakistanın xarici işlər naziri hadisənin araşdırılması və terror təşkilatlarına qarşı mübarizə üçün Pakistanın İran ilə hər növ əməkdaşlığa hazır olduğunu bildirib.