Tashaio.com-un “IslamNews”-a istinadən verdiyi xəbərə əsasən, İsrail rejimi hərbçiləri 2018-ci ildə Qəzza sektorunda 50 uşağı qətlə yetirib, həmçinin 2890 uşaq və yeniyetməni də yaralayıb.

“Əl-Mizan” İnsan Haqları Mərkəzi məsələ ilə bağlı hesabat yayıb.

Sənəddə deyilir ki, İsrail rejimi ordusu sistematik şəkildə insan haqlarına məhəl qoymayaraq onları tapdalayır, əsassız şəkildə silahsız fələstinliləri həbs edir və güllələyir.

“İsrailin insan haqlarını sistematik şəkildə pozması sübut edir ki, dünya ictimaiyyəti Qəzza sektorunda və Fələstinin digər işğal edilmiş ərazilərində bu insanlaır haqlarının müdafiəsinə dair öhdəliklərini yerinə yetirmir.”, - deyə sənəddə qeyd edilir.

Xatırladaq ki, hazırda İsrail həbsxanalarında  7 minə yaxın fələstinli var ki, onların da 50-dən çoxu qadın, 300-ü isə uşaqdır.