ABŞ Prezidenti Donald Tramp Fransa Prezidenti Emmanuel Makronun "ABŞ, Çin və Rusiyadan qorunmaq üçün Avropanın öz ordusunu yaratması lazım olduğunu" söylədiyini bildirərək, "Çox alçaldıcıdır",- deyib.

Tashaio.com xəbər verir ki, Birinci Dünya Müharibəsini sona çatdıran atəşkəs sazişinin 100-cü ili münasibətilə Parisdə keçiriləcək tədbirlərdə iştirak etmək üçün Fransaya gedən Tramp "Twitter" hesabı üzərindən Makronu hədəf alıb.

Tramp paylaşımında, "Fransa Prezidenti Makron ABŞ, Çin və Rusiyadan qorunmaq üçün Avropanın öz ordusunu yaratması lazım olduğu istiqamətində təklif verdi. Çox alçaldıcıdır. Bəlkə Avropa əvvəlcə ABŞ-ın çox böyük bir şəkildə dəstək verdiyi NATO-ya olan borcunu ödəməlidir",- deyə qeyd edib.

Makron bu həftə Parisdə verdiyi açıqlamada Rusiya təhlükəsinə diqqəti çəkərək, ABŞ-dan asılı olmayan, suveren Avropa Birliyi ordusu qurmadıqça avropalıların təhlükəsizlikdə ola bilməyəcəyini söyləmişdi.