İsrail parlamenti Knessetin Daxili İşlər və Ətraf Mühiti Qoruma Komissiyasının sədri və Likud Partiyası üzvü Yoav Kişin ərəblərin namazda 'Allahu Əkbər" əvəzinə "İsrail böyükdür" deməli olduğunu söyləyib.

Deputat bu sözləri qüdslü fələstinlilərin şəxsiyyət vəsiqələrinin geri alınması məsələsi gündəmə gətirilən bir qanun layihəsinin müzakirəsində deyib.

Knessetdə olan ərəb deputatlar isə deputatın sözlərinə "Allahu Əkbər. Allah səndən də, İsraildən də böyükdür" nidaları ilə cavab veriblər.

Qərara reaksiya göstərən deputat Yusif Cabbarın isə Kişin sözlərinin qatı sağçı hökumətin mövqeyini nümayiş etdirdiyini qeyd edərək, hökumətin fələstinli ərəblərə yuxarıdan aşağı və faşistcəsinə baxdığını bildirib.

Mənbə: eastnews