İRİB-in məlumatına görə, Bəhreyn vətəndaşları bu aksiyaların ikinci etapında etiraz nişanələrindən olan od yandırmaq və qatı tüstü yaratmaqdan əlavə, yolları da bağlayıblar. 

Bəhreyndə etiraz aksiyalarının başlanması ilə yanaşı, Ali-Xəlifənin təhlükəsizlik qüvvələri müxtəlif bölgələrdə vətəndaşlar və inqilabçılarla toqquşub, aksiyanı dağıtmaq üçün gözyaşardıcı qazlarla kifayətlənməyib, silahla müdaxilə ediblər. 

14 fevral Bəhreyn xalqının inqilabının başlandığını xatırladır. Mirvari İnqilabı adlı Bəhreyn xalqının inqilabından yeddi il ötür. Xalq Ali-Xəlifə rejiminin iqtidardan getməsini tələb edir.

Bəhreyn 14 fevral 2011-ci ildən Ali-Xəlifə rejiminə qarşı xalq inqilabının şahididir. Bəhreyn xalqı azadlıq, ədalətin bərpa olunması, ayrı-seçkiliyin aradan qaldırılması və seçilmiş hökumətin iqtidara gəlməsini istəyir.