İran Səudiyyəni baş kəsmə ideologiyasının "beşiyi" adlandırdı
Posted on : iran 12/12/2017
"İŞİD-in İslamla qətiyyən əlaqəsi yoxdur."
İslamazeri.com-un rus mediasına istinadən verdiyi xəbərə əsasən, İran Səudiyyə Ərəbistanını "İŞİD ideologiyasının mərkəzi" adlandırıb.
İranın İslam Şurası Məclisinin Milli Təhlükəsizlik və Xarici Siyasət Komissiyasının sədri Əlaəddin Bürucerdi bildirib ki, məhz Səudiyyə Ərəbistanı radikal ekstremist ideologiyasının mənbəsidir və İŞİD terror təşkilatı da bu ideologiyanın təbliğatçısıdır.
""İslam" sözü sülh, əmin-amanlıq, sakitlik deməkdir. Biz ekstremizmə qarşıyıq, biz ekstremizmi İslam hesab etmirik. İslam insanları yandırmağa, onların başlarını kəsməyə icazə vermir. İŞİD fenomeninin İslamla qətiyyən əlaqəsi yoxdur. Əslində bu ideologiyanın mərkəzi Səudiyyə Ərəbistanıdır.",- deyə iranlı rəsmi bildirib.