ABŞ İranın qələbəsinə yol verməmək üçün bu addımı atacaq
Posted on : Digər sahələr 11/23/2017
ABŞ Suriyadakı mövcudiyyatını davam etdirəcək.
İslamazeri.com-un “The Washington Post”-a istinadən verdiyi xəbərə əsasən, ABŞ, İŞİD terror təşkilatının üzərində tam qələbədən sonra da öz qoşunlarının Suriyadakı mövcudiyyətini saxlamaq niyyətindədir.
Bildirlir ki, ABŞ qoşunları ölkənin şimalında fəaliyyət göstərən “Suriya Demokratik Qüvvələri”nə dəstək verməyə davam edəcək.
Bununla yanaşı, qeyd edilir ki, ABŞ-ın öz qoşunlarını bu ölkədən çıxarması Suriya lideri Bəşər Əsədin “siyasi sağ qalmasını” təmin edəcək ki, bu da “İranın qələbəsi” mənasını verəcək.
Qəzet iddia edir ki, ABŞ administrasiyası hadisələrin bu cür gedişatı yol vermək niyyətində deyil, elə buna görə də ölkənin şimalında yeni yerli hakimiyyət bərqərar etməyi planlaşdırır.
Bundan başqa, ABŞ hərbi kontingentinin saxlanılması “Cenevrə danışıqları zamanı Bəşər Əsədi güzəştlərə getməyə məcbur edəcək”.