Tashaio.com-un İraq mətbuatına istinadən xəbər verir ki,İraq ordusu xalq qüvvələrinin dəstəyi ilə İraqın devrilmiş diktatoru Səddamın doğulduğu Tikrittə, tikinti idarəsinə aid binanı terrorçulardan azad edərək bölgəni terrorçulardan təmizləyib.

Ordu qüvvələri həmçinin, Tikrit şəhərinin ətrafındakı Hayy Əl-Kadisiyə qəsəbəsini də tamamilə terrorçulardan təmizləyib.

Digər məlumata görə, Amerikanın döyüş təyyarələri Tikrit şəhərində xalq qüvvələrinin mövqelərini bombalayıb. Həmin hücumlarda azı 10 nəfər yaralanıb.Bombalanan xalq qüvvələrinin mövqeləri ilə "İŞİD" terror təşkilatının mövqeləri arasında azı 3 km-ə qədər məsafənin olduğu bildirilir.

İraq rəsmiləri, İraq ordusunun Səlahəddin əyalətinin mərkəzi Tikrit şəhərini terrorçulardan təmizləmə əməliyyatının sürətlə davam etdiyini bildiriblər.