Fələstində yeni bir İntifada başlaya bilər
Posted on : Digər sahələr 10/16/2017 1:00:26 PM
Fələstinin məhbus işləri rəhbəri İsa Qaraqe İsrail həbsxanalarında aclıq aksiyasına başlayan məhkumlardan birinin ölməsinin yeni bir intifadanın başlamasına səbəb olacağını söyləyib.
"Rast
Haber"-ə istinadən xəbər verir ki, Qaraqe bu açıqlamaları Sionist rejimin
bazar ertəsi günü aclıq aksiyasına başlayan təqribən 1500 fələstinli məhkum ilə
müzakirələr aparmağa yanaşmamasına etiraz olaraq gündəmə gətirib.
Sionist Rejimin
dövlət təhlükəsizliyi naziri Gilad Erdan çərşənbə axşamı günü bu aclıq
aksiyasının siyasi məqsədləri olduğunu və fələstinli məhkumlarla müzakirə
aparılmasına gərək olmadığını düşündüyünü deyib.
Gilad Erdan həmçinin,
bu etirazların lideri Fələstinli məhkum Mərvan Barqutinin başqa bir həbsxanaya
köçürülüb hücrə həbsinə salındığını da söyləyib.
İsa Qaraqe beynəlxalq
cəmiyyətdən müxalif məhkumların səbrini tükədən bu böhrana müdaxilə etmələrini
istəyərək, "Əgər onların istəkləri qəbul edilməsə daha çox məhkum aclıq
aksiyasına başlayacaq, biz beynəlxalq cəmiyyətdən və BMT-dən dərhal müdaxilə
etməsini istəmişik", - deyib.
Çərşənbə günü
BMT bir fələstinli məhkumun çağırışı ilə aclıq aksiyasına başlayan mindən çox fələstinlinin
vəziyyətinin diqqətli bir şəkildə izləndiyini söyləyib.
İsrail həbsxanalarında
hazırda təxminən 6500 fələstinli var və bu məhkumların 65-i qadın və 300-ü də
hüquqi yaşın altındakı şəxslərdən ibarətdir. Yayımlanan hesabatlara görə təxminən
500 fələstinli məhkum da inzibati nəzarətdə saxlanılır və məhz bu həbslər
günahlandırmanın nə olduğu anlaşılmayan bir həbs sayılır.
Fələstinli məhkumlar
inzibati nəzarət siyasətinə və həbsxanaların pis vəziyyətinə etiraz olaraq mütəmadi
olaraq aclıq tətili keçirirlər./ İslamazeri.com