İranda seldən zərər çəkmiş ostanlara prezident tərəfindən heyət göndərilib
Posted on : iran 10/16/2017 1:00:25 PM
İran prezidentinin göstərişi ilə İranın şimal-qərbindəki vilayətlərə seldən zərər çəkənlərə yardım prosesinə nəzarət üzrə heyət göndərilib.
Cümə günü
İranın Şərqi və Qərbi Azərbaycan ostanlarında güclü və nadir bir yağıntı
çayların daşmasına və bu iki vilayətin bəzi məntəqələrində selə səbəb olubdur.
İran prezidenti
Həsən Ruhani bu gün İranın şimal-qərbindəki vilayətlərə seldən zərər çəkənlərə
yardım prosesinə nəzarət üzrə heyət göndərib.
Heyətə energetika naziri Həmid Çitçiyan başçılıq edir.
Ruhani habelə
seldən zərər çəkənlərə yardım üçün bütün imkanların səfərbər edilməsi
vacibliyini vurğulayıb. O, həmçinin seldən zərər çəkənlərin və bədən xəsarəti
alanların vəziyyətinə təcili baxılmasını istəyib.
İranın birinci
vitse-prezidenti İshaq Cahangiri də bu gün Qərbi Azərbaycan və Şərqi Azərbaycan
valiləri ilə ayrı-ayrılıqda telefon danışıqlarında selin vurduğu insan və
maliyyə xəsarətlərinin miqyası, həmçinin yardım gedişatı ilə tanış olub.
Bu məlumata görə,
İran Təcili Yardım Təşkilatının başçısı Pir Hüseyn Kulivənd deyib ki, Şərqi Azərbaycan
ostanında sel nəticəsində indiyədək 18 nəfər ölüb, 12 nəfər də bədən xəsarəti
alıbdır.
Kulivənd sonra
deyib: Təcili yardım təşkilatının məlumatlarına görə, indiyədək Şərqi Azərbaycan
ostanında 14 nəfər Əcəbşir, 4 nəfər isə Azərşəhr məntəqəsində həyatını
itiribdir.
O, bildirib ki,
Şərqi Azərbaycan ostanında sel nəticəsində indiyədək 12 nəfər bədən xəsarəti
alıbdır ki, dərhal xəstəxanaya köçürülübdür.
Belə bir halda,
İranın Qırmızı Aypara Cəmiyyətinin yardım və xilasetmə işləri üzrə sədr müavini
Şahin Fəthi də Azərşəhr və Əcəbşir məntəqələrində itkinlərin sayının 31 nəfərə
çatmasından xəbər verib.