Tashaio.com İRNA-ya istinadən xəbər verir ki, Qərbi Asiya regionu problemlərinin mənbəyi ilə bağlı verilən sualı cavablandıran Zərif, belə deyib: “Bölgədəki problem milyardlarla dollarlıq silah satışındadır və bu bölgəni barıt anbarına çevirib.

Fransa və ya ABŞ bölgədəki silah vəziyyəti barədə danışmaq istəsələr, əvvəlcə dünyada silahların 25%-nin satılmasını dayandırmalı və sonra bu barədə danışmalıdırlar. Yəmən və Fələstin xalqını məhv edib bölgəmizə 100 milyard dollar dəyərində silah satanların bu qeyri-insani satışını dayandırma ehtimalını uzaq bir ehtimal kimi görürəm”.

ABŞ və Avropanı Nüvə razılaşması və İNSTEX müqaviləsini pozduqlarına görə, bir daha tənqid edən Zərif, avropalıların İNSTEX adlı kiçik bir təşəbbüsdə belə müvəffəq olmadıqlarını və İNSTEX-i maliyyələşdirə bilmədiklərini söyləyib.

ABŞ-ın yeni rəhbərliyi ilə bağlı məsələyə də toxunan Zərif, belə deyib: “Top indi onların meydanındadır. ABŞ-ın yeni rəhbərliyi öz öhdəliklərini yerinə yetirməlidir”.

İran və ABŞ-ın nüvə müqaviləsinə qayıtmasının vaxtı və formasına toxunan Zərif, belə deyib: “Danışıqlara ehtiyac yoxdur. Baş verən şey, ABŞ hökumətinin qanunları və öhdəliklərini pozmasıdır. Heç kim öhdəliklərini yerinə yetirmək üçün yenidən danışıqlar aparmır”.