Fransa prezidenti BMT Baş Assambleyasının 74-cü sessiyası çərçivəsində ABŞ prezidentini İran əleyhinə siyasətini dəyişməyə çağırıb.

"Tashaio.com"un Parstoday.com-a istinadən verdiyi xəbərə görə, Emanuel Makron bildirmişdir: "Tramp tez və tək qərar verir, buna görə bir şeyə inansa, vəziyyəti çox tez dəyişdirə bilər." Makron həmçinin iranlılarla strateji mübadilədə olduğunu bildirmişdir.

Bununla əlaqədar Fransanın xarici işlər naziri Jan İv Le Drian belə danışıb: “Bizim prioritetimiz Yaxın Şərqdəki gərginliyi azaltmaqdır".

BMT Baş Assambleyasında iştirak etmək üçün Nyu-Yorka gələn İranın Xarici İşlər naziri Məhəmməd Cavad Zərif Vaşinqtonun Tehrana qarşı yeni addımlarını tənqid etmişdir. "ABŞ İrana qarşı sanksiyalar tətbiq etməklə Tehranla danışıqları mümkünsüz etmək istəyir", - deyə Zərif bildirmişdir.