İranın xarici işlər naziri Məhəmməd Cavad Zərif məzlum Yəmən xalqının qətliam edilməsi və bu ölkəyə 5 il ərzində tətbiq olunan blokadadan təəssüfləndiyini qeyd edərək, müharibənin və blokadanın tez bir vaxtda sona çatmasını istəyib.

Tashaio.com İRNA-ya istinadən xəbər verir ki, Xarici İşlər Nazirliyinin bildirdiyinə görə, Zərif avqustun 12-si Yəmənin Ənsarullah hərəkatının sözçüsü Məhəmməd Əbdus-Salam ilə görüşündə, Yəmən böhranının diplomatik yollardan həll edilməsini vurğulayaraq, İran İslam Respublikasının həmişə yəmənli qrupların görüşməsini və Stokholm müqaviləsinin tamamilə reallaşmasını dəstəklədiyini bildirib.

Zərif, həmçinin Yəməndə dəhşətli humanitar vəziyyətdən təəssüfləndiyini qeyd edərək, İranın Yəmənə humanitar yardımlar göndərməyə hazır olduğunu vurğulayıb.

Görüşdə Məhəmməd Əbdüs-Salam da İranın Yəmən xalqına verdiyi dəstəyə təşəkkür edərək, Yəmənin siyasi və meydandakı inkişafları haqqında bir hesabat verib və ölkədə siyasi həlli ilə bağlı mövqelərini açıqlayıb.