Simonyan jurnalistlərin suallarına cavab verərkən deyib ki, Qarabağ münaqişəsi bitib və Ermənistan Azərbaycanla sülh danışıqlarında oradan bu yaxınlarda gəlmiş ermənilərin öz evlərinə qaytarılmasını prioritet məsələ etməməlidir.

“Bu gün Ermənistan Respublikasının belə bir məsələsi yoxdur. Ermənistan Dağlıq Qarabağ da daxil Azərbaycanın ərazi bütövlüyünü tam tanıyır”, - deyə parlament sədri qeyd edib.

Xatırladaq ki, Ermənistanın baş naziri Nikol Paşinyan Azərbaycanın Qarabağ üzərində suverenliyini hələ Bakı 19-20 sentyabr əməliyyatı nəticəsində bölgə üzərində tam nəzarəti ələ almazdan bir neçə ay əvvəl tanıdığını bəyan etmişdi.

Paşinyanın siyasi opponentləri deyirlər ki, əslində baş nazirin belə bir mövqeyi Azərbaycanın Qarabağı tam nəzarətə götürməsinə yol açıb.

Bu arada Ermənistan parlamentinin spikeri Alen Simonyan Bakı və İrəvanın iki qonşu ölkə kimi ən yaxşı yolunun sülh şəraitində yaşamaq və ticarət əlaqələrinin bərpa edilməli olduğunu deyib.

Qanunverici orqanın spikeri Alen Simonyan əmin edib ki, o, sülh üçün hər şeyi edəcək və iki dövlət arasında ticarət əlaqələri də bərpa olunmalıdır.