Yəmənlilər Səudiyyəyə bağlı muzdluların mövqelərini məhv ediblər
Posted on : Digər sahələr 10/16/2017 1:00:34 PM
Xeyli silahlı şəxs öldürülüb, hərbi texnikaları məhv edilib.
Yəmən ordusu və könüllü xalq qüvvələri
bu gün Səudiyyə Ərəbistanının himayə etdiyi muzdlu qüvvələrin mövqelərinə qarşı
əməliyyat təşkil ediblər.
İslamazeri.com "Almanar"-a istinadla
xəbər verir ki, əl-Couf əyalətinin bir neçə rayonunda hədəfə alınan postlarda
xeyli silahlı və onların komandirləri zərərsizləşdirilib, iki zirehli texnika məhv
edilib.
Bildirək ki, Yəmən 2015-ci ilin
martından etibarən Səudiyyə Ərəbistanının rəhbərlik etdiyi koalisiyanın
hücumlarına məruz qalır. Hərbi təcavüz nəticəsində indiyədək on minlərlə yəmənli
həlak olub və yaralanıb. Ölənlərin əksəriyyətini dinc sakinlər təşkil edir.
Qida və dərman çatışmazlığı səbəbilə milyonlarla yəmənli aclıq və xəstəliklərlə
üz-üzə qalıb.