"Amnesty International" (Beynəlxalq Əfv Təşkilatı) dünən axşam yayımladığı hesabatda Ali-Xəlifə rejiminin müxalifəti və tənqid edənləri həbs edərək işgəncə etdiyini bildirib.

İslamazeri.com İRNA-ya istinadən xəbər verir ki, hesabatda Ali-Xəlifə rejimi rəsmilərinin Bəhreyndə mədəni cəmiyyəti məhv etmək üçün hər yola əl atdığı bildirilib.

"Amnesty" hesabatında həmçinin Ali-Xəlifə təhlükəsizlik qüvvələrinin ilin əvvəlindən etibarən hər gün daha intensiv şəkildə bəhreynli nümayişçiləri dağıtmaq üçün zorakı üsullara əl atdığını bildirib.

Təşkilat həmçinin Bəhreyndə məhbuslara işgəncə edilməsi haqqında daha ciddi araşdırmaların aparılması zərurətinə işarəylə, ölkə xaricində olan bəhreynli aktivistlərin də Ali-Xəlifə rejimi tərəfindən təhdid edildiyini bildirib./ İslamazeri.com