Aksiya iştirakçıları əllərində Xocalı və Myanmar soyqırımını əks etdirən müxtəlif fotolar və şüarlar tutaraq Myanmarda baş verən müsəlman qətliamının dayandırılmasını tələb edib.

AİP Qadınlar Şurasının sədri Növrəstə İbrahimova jurnalistlərə verdiyi açıqlamasında bildirib ki,  bizim bu gün bura  Myanma ölkəsində ifratçı buddistlərin Arakan bölgəsində müsəlmanlara qarşı vəhşicəsinə törədilən qətliamına yox deməyə toplaşmışıq.

“Biz bura zülmə dur deməyə, insanlığa qarşı vəhşicəsinə, amansizcasına törədilən cinayətlərə yox deməyə gəlmişik. Biz Arakanlı müsəlmanlarla bərabər dünyanın hər bir nöqtəsində zülmə məruz qalanların arxasında durmağa gəlmişik. Biz dünyanın hər bir yerində Bəhreyndə, Suriyada, Əfqanıstanda və digər müsəlman torpaqlarında edilən zülmlərə Xocalı abidəsinin önündə öz etirazımızı bildiririk. Bu gün Arakanda baş verənlər Xocalı soyqırımının davamıdır. Mən bu gün bütün dünya və Aəzrbaycan xalqına səslənirəm və  onları insanlıq naminə bu zülmə dur deməyə və öz nifrət dolu etirazını bildirməyə səsləyirəm”. / Maide.Az