Fədək bağı və onun son taleyi
Posted on : Digər sahələr 10/16/2017 1:00:33 PM
Zilhiccənin 14-u Fədək bağının Həzrəti Peyğəmbər (s) tərəfindən Xanım Zəhraya (ə) verildiyi gündür.
Zilhiccənin
14-u Fədək bağının Həzrəti Peyğəmbər (s) tərəfindən Xanım Zəhraya (ə) verildiyi
gündür. Fədək Xeybər qalası yaxınlığında Mədinədən 120 km aralıda Hicazda yerləşən
böyük bir kənd idi. Bu kəndin böyük xurma bağları vardı. Xeybər qalasi fəth
ediləndən sonra yaxınlığda yerləşən yəhudilər Peyğəmbərin (s) yanına öz elçilərini
ğöndərib sülh razılaşması bağladılar və Fədək bağını da Peyğəmbərə (s) hədiyyə
etdilər.
Muhədislərin (hədis
yazanlar) fikir birliyi budur ki, Fədək Peyğəmbərin (s) xüsusi mülki idi.
Tarixçilər və təfsirçilər Həşr surəsinin 7-ci yaəsinə əsasən dinc yolla əldə
edilən və Quranda “Fəy” adlanan qəniməti Allah Rəsulu (s) isdədiyi şəxsə pay
verə bilərdi:
Allah Öz Peyğəmbərinə
(fəth olunmuş) məmləkətlərin əhalisindən (dinc yolla) verdiyi qənimət Allaha,
Peyğəmbərə, (Muhəmməd əleyhissəlama yaxın olan) qohum-əqrəbaya, yetimlərə,
yoxsullara və (pulu qurtarıb yolda qalan) müsafirə (yolçulara) məxsusdur. Bu
ona görədir ki, (həmin mal-dövlət) içərinizdəki zənginlər arasında əldən-ələ
dolaşan bir sərvət olmasın (ondan yoxsullar da faydalansın). Peyğəmbər sizə nə
verirsə, onu götürün; nəyi qadağan edirsə, ondan əl çəkin. Allahdan qorxun. Həqiqətən,
Allahın cəzası çox şiddətlidir.
Bu ayəyə və ayədə
ki qohum-əqrəba kəliməsinə istinad olaraq Peyğəmbərin (s) Xanım Zəhraya (ə)
verdiyi Fədək bağı artıq Xanımın (ə) mülkü sayılırdı (Fəxri Razi- Məfatihul-ğeyb-cild-29.səh-506)
(Təfsiri-Mizan-cild-19.səh-203).
Fədək bağı Peyğəmbər
(s) sağ olduğu vaxtda Xanımın (ə) mülkiyyəti idi (Təbərisi. Əl İhticac-cild-1.
Səh-91).
Lakin Əbu Bəkr
xəlifə olduqda Fədəki Xanımıın əlindən aldı və müsadirə edib xilafətin ümumi
malına qatdı (Usuli Kafi-1. Səh-543) (Şeyx Mufid-Əlmuqnia-289).
Xəlifə Ömərin və
Osmanın vaxtında da geri qaytarılmadı (Bilazəri. Futuhu Buldan.cild-1. Səh-36).
Fədək sonrakı
illərdə də xəlifələrin mülkündə qalmışdı. Lakin zaman zaman müxtəlif Əməvi və
Abbasi xəlifələri Fədək bağını Zəhra (ə) övladlarına qaytarmış, sonrakı xəlifə
isə əllərindən almışdır. Məsələn Əməvi xəlifəsi Ömər ibn Əbdül Əziz, Əbul-Abbas
Səffah, Mənsur Abbasinin oğlu Məhdi və Xəlifə Məmunun vaxtında Fədək Zəhra (ə)
övladlarlna həqiqi irsləri olaraq geri qaytarılmışlar. Lakin sononcu dəfə Məmundan
sonra Mütəvəkkil Abbası Fədəki onların əlindən almış və bir daha geri
qaytarılmamışdır. Tarixi kitablarda da sonralar Fədək barədə daha heçnə qeyd
edilmir. / İslaminSesi.info