Səudiyyədə son 10 gündə ikinci şahzadə öldü
Posted on : Digər sahələr 10/16/2017 1:00:32 PM
Səudiyyədə son 10 gündə ikinci şahzadə öldü
Səudiyyə Ərəbistanında
kral ailəsinin daha bir nümayəndəsi qəflətən həyatını itirib. Bu dəfə şahzadə Bəndər
bin Fəhd ibn Səəd bin Əbdürrəhman əl-Səudun ölüm xəbəri yayılıb.
Səudiyyə Ərəbistanının
rəsmi xəbər agentliyi "SPA" şahzadənin ölümünü təsdiqləyən xəbər versə
də, onun ölümünün səbəbləri barədə heç bir məlumat verməyib.
Qeyd edək ki,
avqustun 8-i kral ailəsinin nümayəndələrindən olan şahzadə Salam bin Səd bin
Turki Əl-Səud qəflətən həyatını itirmişdi. 26 yaşlı şahzadənin ölümünə səbəb
kimi ürək çatışmazlığı göstərilmişdi.
Şahzadələrin
ölümündən öncə mediada Səudiyyə Ərəbistanında taxt-tacının varisi, vəliəhd
şahzadə Məhəmməd bin Salmana qarşı sui-qəsd cəhdinin olması barədə məlumat
getmişdi. Şahzadə Məhəmmədi öldürməyə çalışan adamın Səudiyyə Ərəbistanı Kral
ailəsindəki şahzadələrdən olduğu deyilirdi. Ehtimal edilir ki, qəflətən ölüm xəbəri
yayılan şahzadələr məhz sui-qəsddə iştirak etmiş şəxslərdir./ FaktXəbər