“Islam Today”-ə istinadən verdiyi xəbərə əsasən, Səudiyyə Ərəbistanının vəliəhd şahzadəsi Muhəmməd bin Salman əs-Səuda qarşı sui-qəsd törədilib.

 

Bildirilir ki, insident Ciddə şəhərində baş verib. Hadisə zamanı şahzadə xəsarət almayıb. Hücum edən şəxs polis tərəfindən həbs edilib.

 

Bəzi məlumatlara görə, sui-qəsd cəhdinin arxasında adıçəkilməyən digər şahzadə durur. Qeyd etmək lazımdır ki, Muhəmməd bin Salman ambisiyalı qərarlarına və rəqiblərini “aradan götürdüyünə” görə digər Səud şahzadələrinin rəğbətini qazana bilməyib.

 

Xatırladaq ki, hazırkı kralın oğlu Muhəmməh bin Salman iyun ayının ortasında vəliəhd şahzadə seçilib. Bir sıra ərəb KİV-ləri yazmışdılar ki, kral Salman yaxın bir neçə ay ərzində oğlunun xeyrinə öz taxt-tacından imtina edə bilər. / İslamazeri.com