“ABŞ və şəriklərinin artıq-əskik danışığına görə yolumuzu dəyişən deyilik”
Posted on : iran 10/16/2017 1:00:27 PM
“Amerikanın və onun bölgədəki şəriklərinin artıq əskik-danışmasına görə öz siyasi kurusmuzu və yolumuzu dəyişən deyilik”
FarsNews-a
istinadən, bunu İranın Xarici İşlər Nazirliyinin mətbuat katibi Bəhram Qasimi
deyib.
Keçirilən mətbuat
konfransında Trampın Səudiyyəyə səfərini və “ABŞ-Ərəb zirvə toplantısı"nın
yekun bəyanatına münasibət bildirən İran rəsmisi ABŞ və müttəfiqlərinin
toplantısı və onların yekun bəyanatını artıq-əskik danışıq adlandırıb.
İran rəsmisi
ABŞ rəsmilərindən tələb edib ki, bölgədə münaqişələri alovlandırmaq, müdaxilə
etmək və İranofobiya dalğası yaratmaqdan
çəkinsin və terroru dəstəkləyənlərə silah satmaq kimi addımlarını dayandırsın.
B. Qasimi ABŞ-a
qol-qanad açıb, ondan külli miqdarda silah alan Səudiyyə haqda deyib:
“Təəssüflər
olsun ki, bəzi region ölkələri öz xalqının gücünə və region həmkarlığına
arxalanmaq əvəzinə, ümidlərini böyük qüdrətlərin dəstəyinə bağlayıblar. Onlar
bölgə ölkələrinin həyati infrastrukturlarını dağıtmaq və zəiflətmək üçün şərait
yaradırlar. Buna misal olaraq, alınan silahlarla Yəmən və Suriyanın
infrastrukturasını təkfirçi cərəyanlarla dağıtmaqdır.”
Bu arada İranın
XİN rəhbəri Məhəmməd Cavad Zərif də “ABŞ-Ərəb zirvə toplantısı”nın yekun bəyanatına
toxunaraq, ABŞ-ın bölgədə demokratiya və seçkilər yolunu tutmağa dəstək vermək
(İran seçkiləri) əvəzinə Səudiyyə Ərəbistanını sağdığını deyib.
“ABŞ-Ərəb zirvə
toplantısının” yekun bəyanatının bir çox bəndlərində bildirilib ki, “İran bölgədə
terroru dəstəkləyir”. / İslaminSesi