Ali-Xəlifə rejimi bəhreynli etirazçıları dağıtmaq üçün qadağan olunmuş zəhərli güllələrdən istifadə edib - FOTO
Posted on : Digər sahələr 10/16/2017 1:00:27 PM
Bəhreyn şiələrinin rəhbəri Şeyx İsa Qasim barəsində rejim tərəfindən çıxarılan həbs qərarının ardınca ötən gecə minlərlə bəhreynli etiraz aksiyası keçirib.
Ali-Xəlifə
rejim qüvvələri Əl-Məamir bölgəsində etiraz aksiyasını dağıtmaq üçün qadağan
olunmuş zəhərli güllələrdən istifadə edib .
Etirazçılar
Ali-Xəlifə rejim əleyhinə şüarlar səsləndirib.
Qeyd edək ki,
ötən gün Bəhreyndə ölkə şiələrinin rəhbəri Ayətullah Şeyx İsa Qasimin məhkəməsi
keçirilib.
Ali-Xəlifə
rejimi məhkəməsinin hökmü ilə Ayətullah Şeyx İsa Qasim 1 il müddətinə
azadlıqdan məhrum edilib.
Məhkəmənin qərarı
ilə o, 3 milyon Bəhreyn dinarı məbləğində əmlakı müsadirə olunmaqla, 1000 Bəhreyn
dinarı məbləğində cərimə edilib.
Məhkəmənin qərarına
əsasən, Ayətullah Isa Qasim barəsində çıxarılan 1 illik həbs cəzasının icrası
üç il təxirə salınıb.
Şeyx İsa Qasim
Bəhreyn şiələrinin rəhbəridir. O, 1971-ci ildə Bəhreyn ölkəsi müstəqil olduqdan
sonra təhsil aldığı Nəcəf şəhərindən ölkəsinə qayıdıb və xalqın seçimi ilə
parlamentdə təmsil olunub və uzun müddət Bəhreyn Milli Məclisinin üzvü olub.
Şeyx İsa Qasim 2011-ci ildən etibarən Bəhreyndə başlayan və siyasi islahatların keçirilməsini tələb edən dinc etiraz aksiyalarının lideri hesab edilir. Bəhreyn rejimi onun vtəndaşlığını ləğv edib. Bundan sonra Bəhreyndə kütləvi aksiyalar baş qaldırıb. Ölkənin bir neçə bölgəsində, xüsusən Ayətullah İsa Qasimin evinin olduğu əd-Dərraz bölgəsində etirazlar davam edir. / Maide