QMİ sədrindən din xadimlərinə QADAĞA
Posted on : Digər sahələr 10/16/2017 1:00:27 PM
Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə Ramazan ayı boyunca din xadimlərinə çıxışlarında, xüsusilə axund və imamlara moizələrində məzhəb adı çəkməyi, sünni və şiə fərqləndirmələrini qadağan edib.
"Əgər Dini
Qurumlarla İş üzrə Dövlət Komitəsinin əməkdaşları bununla bağlı mənə hər hansı
siqnal çatdırsalar, dərhal tədbir görüləcək".
İslamazeri.com-
un APA-ya istinadən verdiyi xəbərə əsasən, Şeyxülislam QMİ-də Ramazan ayı ilə
bağlı keçirilən tədbirdə bildirib ki, Dini Qurumlarla İş üzrə Dövlət Komitəsinin
əməkdaşları bununla bağlı ona məlumat versə, həmin din xadimi barəsində tədbir
görüləcək.
O qeyd edib ki,
Komitə ilə bu məsələdə birgə nəzarət həyata keçiriləcək: “Ona görə də indidən
sizə ay boyunca, ümumiyyətlə çıxış və moizələrinizdə məzhəb adı çəkərək fərqliliyə
yol vermək, məzhəb ayrı-seçkiliyi salacaq ifadələr işlətməyi qadağan edirəm. Əgər
Dini Qurumlarla İş üzrə Dövlət Komitəsinin əməkdaşları bununla bağlı mənə hər
hansı siqnal çatdırsalar, dərhal tədbir görüləcək. Çünki bizdə məzhəb fərqliliyi
yoxdur, olmayacaq".