Suriya ordusu Hələbin şərqində İŞİD terroçularına qarşı genişmiqyaslı əməliyyat keçirib. Əməliyyat zamanı İŞİD terror təşkilatının müdafiə naziri sayılan Əbu Musab Əl-Məsri öldürülüb.

"SANA" agentliyi xəbər verir ki, Suriya ordusu terrorçuların həmçinin "Əl-Cərrah" hərbi bazasını ələ keçirib və 19 tank, 11 intihar maşını və 9 hərbi silah anbarını da məhv edib.

Suriya ordusu bundan əlavə Hələbin şərqi ətrafında İŞİD-in Polis İdarəsinə (Əl-Həsəbə) başçılıq edən və əslən səudiyyəli Əbu Abdullah Məhəmməd Səmih Əl-Kəsrini, İŞİD-in önəmli komandirlərindən olan Məhmud Ədnan Əl-Əcəm və Məhəmməd Hüseyn Əl-Cəludu, təhlükəsizlik üzrə terror qruplaşmasının əmiri Əbu-Əhməd Əl-Kəfir Əl-Əbacini, həmçinin Əli Nəzzal Qarabanı və Sufyan Məhəmməd Əbuşu zərərsizləşdirib. / FaktXəbər