Bəhreynin cəmiyyət və təşkilatları dünya ölkələrinə təcili çağırış edib - Video
Posted on : Digər sahələr 10/16/2017 1:00:27 PM
Bəhreyndə “əl-Vəfaq Cəmiyyəti”, “Bəhreynin Qiyamı Qüvvələri”, “Bəhreyn Alimləri Şurası”, “Bəhreynin İnsan Hüquqları Forumu” Şeyx İsa Qasimə görə dünya ölkələri və xalqlarına təcili çağırış ediblər.
“əl-Vəfaq Cəmiyyəti”
hazırda ölkədə baş verən qırğına və təcavüzə görə bütün dünya xalqları, ölkələri,
beynəlxalq ictimaiyyət qurumlarına və beynəlxalq hüquq təşkilatları və müdafiəçilərinə
təcili çağırış etdiyini bəyan edib.
“Bəhreynin
Qiyamı Qüvvələri” və “Bəhreyn Alimləri Şurası” ölkə xalqını rejim qüvvələrinin
basqın etdiyi əd-Dərraza gəlməyə səsləyib.
“Bəhreynin
İnsan Hüquqları Forumu” ölkə xalqını küçələrə çıxmağa və Şeyx İsa Qasimə qarşı
təcavüzə yox deməyə çağırıb.
Bəhreyn müxalifəti
və alimləri Şeyx İsa Qasimin toxunulmasını qırmızı xətt adlandırıblar və ona
toxunulacağı təqdirdə aksiyaların dinc qalacağına əmin olmadıqlarını bildiriblər.
Qeyd edək ki, Bəhreyn
rejimi qüvvələri bu gün sübh çağından Ayətullah İsa Qasimin olduğu qəsəbəyə
basqın edib. Rejim qüvvələri Ayətullah İsa Qasimin evinə basqın edərək, bir neçə
şəxsi həbs edib. Amma Ayətullah İsa Qasimin də basqın zamanı həbs edilməsi hələ
bildirilməyib.
Bəhreyn rejimin
qüvvələrinin atəşi nəticəsində bir nəfər həlak olub və 100-dən artıq yaralanıb.
/İslaminSesi