Şəhərin azad olunması üzrə hərbi əməliyyatların komandanı general-leytenant Əbdül Əmir Yarullah hərbçilərin böyük sayda İŞİD terrorçularını məhv etdiklərini və kvartalın binalarında İraq bayrağını yerləşdirdiklərini bildirib.

Şiddətli döyüşlər Hərəmat, Zəncili, Rəfəi, və Aribi kvartallarında aparılır.

Şəhər 2014-cü ilin yayında işğal edilib. İraqın baş naziri Heydər əl-Abadinin 2016-cı ilin oktyabrında verdiyi əmr ilə şəhərin şərq hissəsinin azad edilməsi əməliyyatlarına başlanılıb. Mosulun qərb hissəsinin İŞİD terror təşkilatının işğalından azad edilməsi əməliyyatları bu ilin fevral ayında şərq hissəsinin azad edilməsinin ardınca başlanıb və 97 faizi azad edilib.