Ləbib Beyzun Dəməşq universitetində İslam Elmlərindən əlavə özünün əsas ixtisası olan "Nəzəri Fizika" üzrə də uzun illər tədris edib. Dini və qeyri-dini mövzularda yüzə yaxın əsəri vardır.

Onun "əl-Ecaz əl-Elmi indəl-İmam Əli (ə)" adlı əsəri Fars dilinə də "Şegeftiha və ecazhaye elmi dər soxənane İmam Əli (ə)" adı ilə tərcümə və çap edilib. Farsca nüsxəsinin 112-ci səhifəsində İmam Əlinin (ə) Nəhcül-Bəlağənin 65-cü xütbəsində "SƏS" barədə buyurduğu kəlamı belə izah edir:

İmam Əli (ə) buyurur: "Allahdan başqa bütün eşidənlər çox zəif və yumuşaq səsləri eşitməyə kardırlar və güclü səsləri eşitməyə gücləri çatmır və çox uzaq səsləri isə eşitmir".

 وَ کُلُّ سَمِیعٍ غَیْرَهُ یَصَمُّ عَنْ لَطِیفِ اَلْأَصْوَاتِ وَ یُصِمُّهُ کَبِیرُهَا وَ یَذْهَبُ عَنْهُ مَا بَعُدَ مِنْهَا

Bu gün müasir elm isbat edib ki, insanlar 15 ardıcıl səs dalğası gücündən zəif olan səsləri eşitmir. 15 min səs dalğası gücünədək olan səsləri eşitməyə gücləri çatır və bundan güclü olan səsi isə eşitmək gücündə deyildirlər. 15 səs dalğasından aşağını qulaq eşidə bilmir və 15 min səs dalğasından yuxarı isə qulağın pərdələrini cırır. 

İmam Əli (ə) bu kəlamında buyurur ki, "Allah-Taala "lətiful-əsvat"dır", yəni bütün səslər Allah üçün yumuşaqdır və o bütün səsləri eşidir, həm ən zəifini və həm də ən güclüsünü, çünki səsin və səs dalğalarının yaradanı odur. Buna görə də Həzrət Süleymana (ə) möcüzə olaraq bu gücü və qüdrəti verir ki, qarışqaların da səsini eşidə və dilini başa düşə bilsin.

Hazırladı: Mirməhəmməd Bəşir / Maide.Az