“Islam Today”-ə istinadən verdiyi xəbərə əsasən, İŞİD terror təşkilatının rəhbərləri Suriya uğrundakı müharibəni strateji cəhətdən uduzduqlarını anlayıblar. Buna görə də İŞİD terrorçularını gəldikləri ölkələrə geri göndərməyə başlayıb.

Bu cür fikri “Vımpel” veteranların analitik dövlət təhlükəsizlik mərkəzinin direktoru, Rusiya Federal Təhlükəsizlik Xidmətinin veteranı Sergey Krivoşeyev səsləndirib.

“Bu insanlar özlərinə tərəfdar toplayır və terror aktları hazırlayır.”, - deyə o qeyd edib.

Onun sözlərinə görə, hazırda Rusiyada “Hizbut Təhrir” ekstremist təşkilatının üzvləri də aktiv şəkildə fəaliyyət göstərirlər. Onlar öz cərgələrinə üzv toplamaq və terrorçuları İraq, Pakistan və Suriya ərazisindəki terror təlim düşərgələrinə göndərməklə məşğuldurlar. Nəticə etibarı ilə bu terrorçular İŞİD cərgələrini doldururlar./ İslamazeri.com