“ParsToday”-ə istinadən, Səudiyyə Ərəbistanına məxsus gəmilər İŞİD terrorçularını Suriyadan Yəmənə daşıyır.

 

“Sputnik”-in məlumatına əsasən, Yəmənin Konqres Partiyasının rəhblərlərindən biri Muhəmməd Ənam Səudiyyə Ərəbistanının ABŞ-ın əlində kukla olduğunu və yəmənlilərin “Əl-Qaidə” və İŞİD terror təşkilatlarına qarşı döyüşdüyünü bildirib. O, qeyd edib ki, “Səudiyyə Ərəbistanının özü “Əl-Qaidə” və İŞİD-i yaradıb və indi də onları Yəmən ərazisinə aparır”.

 

Ötən həftə 400 İŞİD terrorçusu dəniz yolu ilə Suriyadan Yəmənə keçib.

 

“ABŞ Səudiyyə Ərəbistanının başçılıq etdiyi ərəb koalisiyasına Yəmənə qarşı təcavüzkarlıqda dəstək verərək və terrorçuların Suriyadan Yəmənə daşınmasında kömək edərək, mövcud vəziyyətə təsir etməyə çalışır.”, - deyə o bildirib.

 

“ABŞ-ın Yəmənə etdiyi hazırkı müdaxilə təzə bir şey deyil. Rəsmi Vaşinqton Səud rejimi ilə birlikdə 2015-ci ilin mart ayından bəri Yəmən xalqına qarşı müharibə aparır.”, - deyə o əlavə edib.

 

Xatırladaq ki, rəsmi ər-Riyad ABŞ və Böyük Britaniyanın icazəsi ilə 2015-ci ilin mart ayında Yəmənə qarşı aqressiyaya başlayıb. Onlar bu yolla devrilmiş və ölkədən fərar etmiş eks-prezident Mənsur Hadini hakimiyyətə geri qaytarmaq istəyirlər. Səud rejiminin vəhşi hücumları zamanı indiyədək 12 min dinc və günahsız yəmənli qətlə yetirilib./ İslamazeri.com