ABŞ-ın İdlibdəki kimyəvi silah hesabatı uydurma çıxdı - VİDEO
Posted on : Digər sahələr 10/16/2017 1:00:26 PM
ABŞ-ın İdlibdəki kimyəvi silah hesabatı uydurma çıxdı - VİDEO
ABŞ rəhbərliyinin
Suriya ordusunun kimyəvi silahdan istifadə etdiyinə dair hazırladığı hesabata
Massaçusets Texnologiya Universitetinin professoru Teodor Postol münasibət
bildirib. Universitetin nüvə texnologiya mütəxəssisi professor Teodor Postol
bildirib ki, Ağ Evin Suriyanın İdlib şəhərindəki Xan Şeyxun qəsəbəsinə kimyəvi
silah atılması ilə bağlı hazırladığı hesabat həqiqəti əks etdirmir və faktlar
uydurmadır. "Russia
Today" televiziyasına müsahibəsində amerikalı professor deyib ki, Homs şəhərindəki
"Əş-Şəyrat" hava bazasının bombardmanına əsas göstərilən Xan Şeyxunla
bağlı hesabatda ziddiyyətlər var: "Ağ Evin hesabatı heç bir tənqidə cavab
vermir. Hesabatı hazırlayanlar hadisə yerindən fotoşəkillərin saxta olduğunu düşünür.
Bu dəlillər yanlış formada şərh olunur və hesabatı hazırlayanların fikirləri əsas
götürülür. Hesabat, siyasi motivlidir. ABŞ-da heç bir etibarlı kəşfiyyat əməkdaşı
bu sənədi qəbul etməz". Sarin qazı
istifadə edildiyi bildirilən hadisə yerindən çəkilmiş fotoşəkillərdə insanların
olduğuna diqqət çəkən Postol əlavə edib ki, bu şəxslər mütləq ya ölümcül, ya da
ən azından zəhərlənən təsirə məruz qalmalı idi: "Fotodakı insanların heç də
uyğun olmayan geyimi göstərir ki, onlar ya zəhərlənmədən qorunmaq istəmir, ya
da bu bölgədə çox miqdarda qaz olmadığını bilirlər. Görüntülərdən birində sarin
konteyneri yarıya qədər çuxura salınmış vəziyyətdir. Digər görüntülərdə isə konteyner yerini dəyişmiş
görsənir. Çuxurun və konteynerin yerinə baxdıqda belə bir versiya yaranır ki,
onu partlatmış ola bilərlər. Bu versiya
doğrudursa, onda Suriya hökumətinin günahkar olduğunu sübut etmək
qeyri-mümkündür".
Mənbə: FaktXəbər
|