Bloqer Mehman Hüseynovun apellyasiya şikayətinə baxılacaq tarix məlum olub.

İslamazeri.az-ın xəbərinə görə, bu haqda açıqlama verən vəkil Elçin Sadıqov bildirib ki, iclas mart ayının 29-u baş tutacaq. Belə ki, M.Hüseynov barəsində verilən ilk qərardan Apellyasiya Məhkəməsinə şikayət əsasında məhkəmə prosesi keçiriləcək. Bloqer iclasda iştirak edəcək və hakim Vaqif Mursaqulovun önünə çıxacaq. Məhkəmə prosesi açıq keçiriləcək.

Qeyd edək ki, Suraxanı Rayon Məhkəməsi bloqer  barəsində həbs qərarı çıxarıb. O, 2 il müddətinə adazlıqdan məhrum edilib.

Mehman Hüseynov ictimaiyyətə Nəsimi RPİ-də fiziki təzyiqə məruz qaldığını dedikdən sonra həmin idarənin rəisi Musa Musayev ondan məhkəməyə şikayət edib. Rəis böhtan iddiası ilə məhkəmədən bloqerin cəzalanmasını tələb edib. Həmin iddia əsasında məhkəmənin qərarı ilə Mehman Hüseynov təqsirli bilinib.