ABŞ İranın qonşuluğunda kəşfiyyat təşkilatı yaradıb - ANALİZ
Posted on : iran 10/16/2017 1:00:23 PM
"Bəhreyn xalqı azadlıq, ədalətin təmin edilməsi, ayrıseçkiliyin aradan qaldırılması və seçilmiş şəxslərin hakimiyyətə gəlməsini istəyir."
Bəhreynlilər 14
fevral 2011-ci ildən bu yana hökumətin dəyişməsi, seçilmiş hökumətin hakimiyyətə
gəlməsi, ədalət, azadlıq və bərabərlik kimi dəyərlərin təmin olunması,
diktaturanın və təzyiqinin sona çatması üçün meydanlarda mitinqlər keçirir.
Bəhreyn xalqı
azadlıq, ədalətin təmin edilməsi, ayrıseçkiliyin aradan qaldırılması və
seçilmiş şəxslərin hakimiyyətə gəlməsini istəyir.
Bəhreyn rejimi
bu günə qədər xalqı yatırtmaq üçün müxalif liderlərdən bir çoxunu həbs edərək
uzunmüddətli həbs cəzalarına məhkum edib.
Vaşinqtondakı
"Fars" Araşdırma Mərkəzinin rəhbəri Əli əl-Əhməd "Tasnim" Xəbər
Agentliyinə verdiyi müsahibədə Bəhreyndəki hadisələr və inqilabın 6-cı
ildönümünü ilə bağlı dəyərləndirmələr edib.
Beynəlxalq aləmdə
Bəhreyndəki inqilab hərəkatı mövzusundakı ayrılıq açıq bir şəkildə ortaya
çıxmışdır
Əli əl-Əhməd
müsahibədə bu açıqlamaları verib: Bəhreyn İnqilabı çoxsaylı çıxılmaz vəziyyətlə
qarşı-qarşıyadır. Çünki regional və beynəlxalq güclər inqilaba qarşıdır. Onu
deyə bilərik ki, inqilab mövzusundakı ən bariz nümunə beynəlxalq birliyin bu
barədə fikir ayrılığıdır və beynəlxalq aləmin bu hərəkəti siyasi bir təhqir
olaraq qiymətləndirilə bilər. Çünki beynəlxalq aləm və Qərb ölkələri paralel
olaraq Suriyadakı silahlı şəxsləri dəstəkləyirlər. Belə ki, bu şəxslər Suriyada
ən vəhşi cinayətləri törədirlər. Ancaq buna baxmayaraq Bəhreyndə bütün qayələri
sülhsevər olan xalq inqilabına açıq şəkildə qarşı çıxdılar və bu hərəkat
qarşısında müqavimət göstərdilər.
Bəhreyn
xalqının çətinlik və problemləri yalnız Ali-Xəlifə rejiminin tənəzzülü ilə sona
çata bilər
Əl-Əhməd sözlərini
belə davam etdirib: "Bəhreyndə iki fərqli hərəkat görürük; Birinci hərəkat
ölkədə tamamilə qəbiləçi bir mövqe nümayiş etdirən Amerika və İngiltərəyə bağlı
mövcud rejim, ikinci hərəkatın isə əksəriyyəti Bəhreyn xalqından ibarətdir və
bu iki hərəkat bir-birinin qarşısında yer alır. Hakim rejimin isə Bəhreyndə
islahatlar aparacağına dair heç bir ümid yoxdur. Yəni bu rejim mövcud olduğu
müddət ərzində Bəhreyndəki inqilab hərəkatı da davam edəcək. Çünki Bəhreyn
xalqının 6 ildir davam edən çətinlik və problemləri yalnız hakim rejimin tənəzzülü
ilə sona çatacaq. Həqiqət budur ki, Ali-Xəlifə rejimi Bəhreyni işğal etmişdir və
Bəhreyn xalqına yaddır. Xalqa elə davranır ki, sanki bu ölkəni işğal edib və bu
bir həqiqətdir.
İngiltərə Ali-Xəlifə
rejiminin hüquq-mühafizə orqanlarının təlimini və xərclərini öz üzərinə götürüb
Vaşinqton
"Fars" Araşdırma Mərkəzinin direktoru açıqlamalarının davamında
"Amerika və İngiltərə kimi insan haqları müdafiəçisi olduğunu iddia edən
ölkələrin Xəlifə Xanədanının cinayətləri qarşısında susqunluğunun səbəbi"
ilə bağlı suala belə cavab verib: "Bu məsələdə şübhə yoxdur; Bu ölkə
yalnız öz mənfəətlərini və digər ölkələrin sərvətini istifadə etməyi düşünür.
Ərəbistan ilə Bəhreyndəki hakimiyyətlər Amerika ilə İngiltərəyə bağlı olduğu
müddət ərzində Vaşinqton və Londondan Bəhreyn xalqına qarşı əxlaqi bir davranış
gözləmək mümkün deyil. Amerika və İngiltərə islam ölkələri ilə ərəb ölkələrinə
alçaldıcı bir gözlə baxır və hətta yaxın zamanda İngiltərənin Bəhreyn xalqını
öldürməsi üçün Xəlifə Xanədanının hüquq-mühafizə orqanlarının xərclərini və təlimini
üzərinə götürdüyü ortaya çıxdı. Və bu İngiltərə üçün bir ilk deyil.
Amerika Dəniz
Qüvvələrinin Bəhreyndəki 5-ci donanmasında kəşfiyyat təşkilatı var
Burada diqqətçəkən
məqam budur; Amerikanın Bəhreyndə yerləşən 5-ci Hərbi Dəniz Qüvvələri
Donanmasında kəşfiyyat təşkilatı var və bu təşkilatın üzvləri ərəb və ingilislərdən
ibarətdir. Bu təşkilata qoşulmaq şərtlərindən biri şiə olmamaqdır. Təşkilatın vəzifəsi
isə Xəlifə Xanədanlığı rejiminin müxalifləri və siyasi aktivistlər haqqında
casusluq və təqib etməkdir.
Onu deyə bilərik
ki, Amerikanın qarşısında iki variant var; İnsan haqları müşahidəçilərindən
istifadə edərək xalqı sakitləşdirmək və sülhsevər fəaliyyətləri davam etdirmələrini
təmin etmək. İkinci variant isə Ali-Xəlifə rejiminin xalqa tətbiq etdiyi
qırğınları və təzyiqləri dəstəkləməkdir. Onu deyə bilərik ki, Ali-Xəlifə rejimi
bu qüvvələrin oyuncağıdır və onlar Amerika və Britaniyanın Bəhreyndəki nümayəndəsidir".
Tərcümə
İslamazeri.az saytına məxsusdur...