“ParsToday”-ə istinadən, İranın Xarici İşlər Nazirliyinin rəsmi nümayəndəsi Bəhram Qasemi bildirib ki, “İran terrorçuluğun qurbanıdır və eyni zamanda da bu fəlakət və təkfirçi qruplaşmalar ilə aparılan mübarizənin öndə gedəni sayılır”.

 

Qasemi qeyd edib ki, İran heç bir ölkə üçün təhlükə mənbəyi hesab oluna bilməz və o öz dinc siyasətini yürütməyə, regiondakı konstruktiv və sabitləşdirici rolunu oynamağa davam edəcək.

 

Qeyd edək ki, ABŞ-ın yeni seçilmiş prezidentinin təyin etdiyi gələcək dövlət katibi Reks Tillerson İranın Rusiya və Türkiyə ilə yanaşı öz siyasətini tətbiq etmək üçün Suriyada olduğu bildirmişdi. Qasemi Tillersonun bu iddialarını təkzib edərək, qeyd edib ki, ölkəsi “ən əvvəldən Suriya böhranının siyasi yolla həll edilməsində israrlıdır və bu yolda da böyük səylər göstərib. Lakin ABŞ daim terrorçulara dəstək verərək, Suriyadakı bu günkü vəziyyətin yaranmasına səbəb olub”.

“Suriyadakı böhranın yaranmasının səbəbi ABŞ-dır.”

 

Mənbə: İslamazeri