Bu barədə məlumat verən Kürdüstan Demokrat Partiyası (KDP) Mosul mətbuat nümayəndəsi Said Memuzini ötən gün Mosulun Muhəndisin məhəlləsində baş verən qarşıdurmada İŞİD-in Ölümə Qədər Döyüş Qüvvələri əmiri (İnximas) Hollandiya əsilli Ties Bill Montenin (Əbu Ömər) öldürüldüyünü bildirib.

Səid Memuzini Əbu Ömərin təşkilata qoşulan bütün əcnəbilər üzrə məsul olduğunu və İŞİD lideri Əbubəkr Bağdadinin də yaxın dostu olduğu qeyd edib.

Ölümə Qədər Döyüş Qüvvələri təşkilatın aparıcı qüvvələrindən olub təchizatlı təlim keçən bu qüvvəyə bağlı İŞİD üzvləri lazım olduğu zaman kamikadze də olur.

Bu qüvvəyə bağlı təşkilat mənsubları düşmənlərinə heç bir şəkildə təslim olmayıb, bəzən də intihar edir.

Qeyd edək ki, Mosulu İŞİD-dən azad etmək üçün əməliyyat 17 oktyabr 2016-cı il tarixində başladılmışdı.  /eastnews