Şəri-dini suallara cavablar - SUAL 14
Posted on : Digər sahələr 10/16/2017 1:00:21 PM
Dəstəmazın şərtləri nədir?
DƏSTƏMAZIN HÖKMLƏRİ
SUAL 14: Dəstəmazın şərtləri nədir?
CAVAB: Dəstəmazın 13 şərti var:
1. Dəstəmaz suyu pak olmalıdır;
2. Dəstəmaz suyu saf (mütləq) olmalıdır (nəcis və qatqılı
olmamalıdır);
3. Dəstəmaz suyu mübah (halal) olmalıdır (qəsbi olmamalıdır);
4. Dəstəmaz alınan qab mübah olmalıdır (qəsbi olmamalıdır);
5. Dəstəmaz alınan qab qızıl və gümüşdən olmamalıdır;
6. Dəstəmaz üzvləri (yuyulan və məsh çəkilən zaman) pak
olmalıdır;
7. Dəstəmaz almaq üçün yetərincə vaxt olmalıdır;
8. Dəstəmaz Allaha yaxınlaşmaq məqsədi (qürbət qəsdi) ilə
alınmalıdır;
9. Dəstəmazda “tərtibə” riayət olunmalıdır; yəni əvvəlcə üz,
sоnra sağ qоl, daha sоnra sоl qоl yuyulmalı və оndan sоnra başa, sonda da
ayaqlara məsh çəkilməlidir.
10. Dəstəmazın əməlləri ardıcıl və arası kəsilmədən yerinə
yetirilməlidir;
11. İnsan dəstəmazı özü almalı və dəstəmaz almaq üçün başqasından
kömək almamalıdır;
12. Sudan istifadədə (suyun zərərli
olması və yaxud susuz qalacağı kimi) hər hansı bir maneə olmamalıdır;
13. Suyun dəstəmaz üzvlərinə
çatmasına maneə olmamalıdır.
Xatırladaq ki, şəri-dini suallara cavablar gənclər və ali məktəb
tələbləri tərəfindən irəli sürülüb, 10 mərcəi-təqlidin fətvası əsasında
hazırlanıb və əziz oxuculara təqdim olunur. Bu araşdırmanın
tənzimlənməsində aşağıdakı nöqtələr diqqət mərkəzində saxlanılır:
1. Sualların cavabları mənbələrə əsaslanmışdır;
2. Sualların cavablarının dəqiqliyi ilə bağlı xatircəmlik əldə
etmək üçün möhtərəm mərcəi-təqlidlərin dəftərxanalarının sual-cavab şöbəsi ilə
də əlaqə saxlanılmışdır;
3. Sualların cavablarında imam Xomeyninin fətvası ilə yanaşı,
aşağıda adıçəkilən mərcəi-təqlidlərin də fətvaları nəzərə alınmışdır:
–Ayətullah Seyid Əli Xamenei;
–Ayətullah Seyid Əli Hüseyni Sistani;
–Ayətullah Şeyx Hüseyn Vəhid Xorasani.
–Ayətullah Şeyx Hüseyn Nuri Həmədani;
–Ayətullah Şeyx Lütfullah Safi Qolpayiqani;
–Ayətullah Şeyx Məhəmmədtəqi Bəhcət;
–Ayətullah Şeyx Məhəmmədfazil Lənkərani ;
–Ayətullah Şeyx Mirzə Cavad Təbrizi;
–Ayətullah Şeyx Nasir Məkarim Şirazi;
Allah-Taaladan Əhli-beyt (ə) məktəbi və mədəniyyətinin
genişlənməsində xidmət göstərən hər bir kəsə tövfiq diləyirik!
Maide