İran və Azərbaycan arasında bank əməkdaşlıqları, ticarət və dəmir yolu üzrə bir neçə anlaşma əldə edilib
Posted on : iran 10/16/2017 1:00:19 PM
İran və Azərbaycan birgə iqtisadi komissiyasının sədri Bakıya olan 3 günlük səfərinin sonunda iki ölkə arasında bank məsələlərinin həlli prosesinin sürətləndirilməsi, ticarət əlaqələrinin genişləndirilməsi və bir aya kimi dərman zavodunun quraşdırılmasına başlanması üzrə anlaşmanın əldə edilməsindən xəbər verib.
İranın rabitə və
informasiya texnologiyaları naziri Mahmud Vaizi "Bakutell 2016" beynəlxalq
sərgidə iştirak məqsədi ilə rabitə sənayesi üzrə fəaliyyət göstərən bir neçə
İran şirkətinin məsul şəxsi ilə birlikdə Bakıya olan səfərinin rabitə və
informasiya texnologiyalrı üzrə əlaqələrin genişləndirilməsində müsbət nəticələr
ilə yanaşı olduğunu deyib: "Bu səfər zamanı bu sahə ilə bağlı anlaşma sənədinin
imzalanması ilə yanaşı özəl sektor üçün Azərbaycan bazarına çıxış imkanları da
yaradılmış olub".
İran və Azərbaycan
birgə iqtisadi əməkdaşlıq komissiyasının da sədri olan Mahmud Vaizi bir aydan
daha az müddət ərzində birgə komissiyanın Bakıda iclas keçirəcəyindən xəbər verərək,
deyib: Bu iclasa hazırlıq çərçivəsində səfər zamanı yaxşı müzakirələrimiz və
anlaşmalarımız oldu.
Vaizi bank məsələlərinin
ən qısa zamanda həll edilməsini iki tərəf arasında əldə edilən anlaşmalardan
adlandırıb və cari ildə iki ölkə arasında ticarət mübadiləsi həcminin 75%-lik
bir artım ilə yanaşı olduğuna işarə edərək, deyib: Səfər zamanı ixrac edilən məhsullarının
siyahısının hazırlanması və mübadilə edilməsi habelə, gömrük xidmətlərinin sadələşdirilməsi
barədə də razılıq əldə olundu.
İranın rabitə və
informasiya texnologiyaları naziri azərbaycanlı həmkarı ilə görüşündə Neftçalada avtomobilqayırma zavodunun quraşdırılması ilə
bağlı işlərin gedişi haqda danışıqların aparılmasından və iki ölkənin Bakıda
birgə şəkildə dərman zavodu quraşdırması barədə razılığa gəlməsindən xəbər verərək,
deyib: Dərman zavodunun quraşdırılması əməliyyatına da İranın iştirakı ilə birgə
komissiyanın Bakıda keçiriləcək iclası ilə bir vaxtda Sumqayıt şəhərində start
veriləcək.
M.Vaizi həmçinin
deyib: İki ölkə sərhədində dəmiryolu körpüsünün quraşdırılması ilə bağlı
yaranan problemlərin aradan qaldırılması və Astara-Astara dəmiryolunun
bir-birinə qovuşması məsələsi də bu səfər zamanı müzakirə edilən məsələlərdən
olub və Rəşt-Astara dəmir yolunun maliyyələşdirilməsi istiqamətində də bir
komitə yaradılıb.
İranın rabitə və
informasiya texnologiyaları naziri sonda səfərinin yekun nəticəsini son dərəcə
konstruktiv və səmərəli adlandırıb və deyib: 3 həftə sonra keçiriləcək birgə
iqtisadi komissiyasının iclasının bir hissəsi Bakıda, bir hissəsi də Naxçıvanda
keçiriləcək.