Şəri-dini suallara cavablar - SUAL 6
Posted on : Digər sahələr 10/16/2017 1:00:19 PM
10 mərcəi-təqlidin fətvası əsasında hazırlanmış şəri-dini suallara cavabları əziz oxuculara təqdim edirik
TƏQLİDİN
HÖKMLƏRİ
TƏQLİDİN
TARİXÇƏSİ
SUAL 6: Müctəhidə təqlid haçandan başlamışdır? Görəsən, Peyğəmbəri-Əkrəm
(s) və məsum imamların (ə) da dövründə təqlid olubmu?
CAVAB: İlahi hökmləri öyrənmək və onlara əməl etməyin doğruluğuna əmin
olmaq üçün fəqih və İslamşünas alimə müraciətin tarixi İslamın ilkin çağlarına
– Peyğəmbəri-Əkrəm (s) və məsum imamların (ə) dönəminə gedib çıxır.[1] Qurani-Kərimin “Ənbiya” surəsinin
7-ci ayəsində də buyurulur:
فَسئَلُوا أَهلَ الذِّكرِ إِن كُنتُم لا تَعلَمُونَ
“Əgər
bilmirsinizsə, “zikr” (bilik) əhlindən soruşun.”
Rəvayətlərdə
“zikr və bilik əhli” (ayənin kamil və bariz nümunəsi olan) məsum imamlara aid
edilsə də, ayənin nazilolma səbəbi və ümumiliyi onun əhatə dairəsini kiçiltmir
və bütün bilik əhlinə, o cümlədən, fəqih və müctəhidlərə də aid edilir.
Həmçinin “Tövbə”
surəsinin 122-ci ayəsində buyurulur:
وَ ما كانَ المُؤمِنُونَ لِینفِرُوا كَافَّةً فَلَو لا نَفَرَ مِن
كُلِّ فِرقَةٍ مِنهُم طائِفَةٌ لِیتَفَقَّهُوا فِى الدِّینِ وَ لِینذِرُوا
قَومَهُم إِذا رَجَعُوا إِلَیهِم لَعَلَّهُم یحذَرُونَ
“Möminlərə hamılıqla
(döyüş cəbhəsinə, cihada, yaxud dini elm mərkəzlərinə,) köç etmələri yaraşmaz.
Buna görə də, nə üçün onların hər bir cəmiyyətindən (kiçik) bir dəstə dində
agahlıq əldə etmək üçün köç etmirlər ki, öz qövmlərini onlara tərəf döndükdə (Allahın əzabı ilə) qorxutsunlar. Bəlkə onlar (yaramaz
işlərdən, nalayiq hərəkətlərdən) çəkinsinlər!”
Şübhəsiz, ayədə
göstərilən “dində agahlıq əldə emək” ibarəsi geniş məna kəsb
edir və İslam maarifi və hökmlərini – üsuli-din və fürui-dini əhatə edir. Buna
rəğmən, camaat dində agahlıq əldə edən, dini elm ocaqlarında dini-şəri məsələləri
dərindən yiyələnən şəxsin sözlərini qəbul etməyə dəvət olunur. Bu da fəqih və
müctəhidə müraciət və təqlid etmək deməkdir.
Peyğəmbəri-Əkrəm
(s) bəzi səhabələrini dini hökmləri və İslam maarifini təbliğ etmək və öyrətmək
üçün ətraf məntəqələrə ezam edirdi. Müsəb ibn Ümeyr və Məaz ibn Cəbəl bunun
bariz nümənələrindəndir. O həzrət ezam etdiyi səhabələrinə buyurardı: “Elmsiz
fətva verməkdən çəkinin, yoxsa mələklərin lənətinə düçar olarsınız.”[2]
Bu rəvayət də
onu göstərir ki, Peyğəmbəri-Əkrəmin (s) əsrində fəqih və İslam alimi fətva
verir, camaat da onun sözünü qəbul edir və ona təqlid edirmiş. Peyğəmbəri-Əkrəmin
(s) vəfatından sonra da, fəqih və İslam aliminə müraciət və təqlid davam edir,
nəhayət, imam Baqir (ə) və imam Sadiqin (ə) dövründə bu məsələ vüsət tapır. Həmin
imamların məktəbində bir çox fəqih və müctəhidlər yetişərək[3] İslam maarifini, dini-şəri hökmləri
təbliğ etmək və öyrətmək məqsədilə uzaq və ucqar məntəqələrə köç edir, İslam
maarifinə təşnə olanlar dini-şəri məsələlərini onlardan öyrənirdilər. Buna “təqlid”
deyilir ki, aşağıda onun bəzi nümunələrinə işarə edirik:
1. İmam Baqir (ə)
Əban ibn Təğlibə buyurur:
اِجلِس فى مسجد المَدینة و اَفتِ النّاسَ فَاِنّى اُحِبُّ اَن اَرى فى
شیعَتى مِثلَك
“Mədinə məscidində
əyləş və camaata fətva ver. Çox istərdim ki, şiələrimin arasında sənin kimi şəxslər
olsun.”[4]
2. Şüeyb Əqrəqovqidən
nəql olunur ki, imam Sadiqə (ə) dedim: “Bəzən dini sual və şübhələrlə
rastlaşırıq, sizə əlimiz çatmadıqda, kimə müraciət etməyimizi məsləhət
görürsünüz?” İmam (ə) onun cavabında buyurdu:
عَلَیكَ بِالاسَدى یعنى اَبا بَصیر
“Siz Əbu Bəsirə
müraciət edə bilərsiniz.”[5]
3. Həsən ibn
Əli ibn Yəqtin nəql edir ki, imam Rzadan (ə) soruşdum: “Qarşılaşdığım və
ehtiyac duyduğum hər bir dini-şəri məsələni sizdən soruşub öyrənə bilmirəm.
Yunis ibn Əbdürrəhmana etimad edib, dini-şəri ehtiyaclarımın cavablarını ondan
öyrənə bilərəmmi?” İmam Rza (ə) buyurdu: “Bəli!”[6]
4. İmam Mehdi (ə.c.)
İshaq ibn Yəquba yazdığı şərif məktubda belə buyurur:
...و اَمَا الحَوادِثُ الواقِعَةُ فَارجِعُوا فیها اِلى رُواةِ
اَحادیثِنا فَاِنَّهُم حُجَّتى عَلَیكُم و اَنَا حُجَّهاللّهِ عَلَیهِم
“Vaqe olacaq
hadisələrdə bizim hədislərimizin ravilərinə (fəqihlərə) müraciət edin ki, onlar
mənim sizin üzərinizdəki höccətim (nümayəndəm) və mən də Allahın onların üzərindəki
höccətiyəm.”[7]
Bu məktub və
digər rəvayətlərə əsasən, böyük qeyb dönəmində fəqih və müctəhidə müraciət növbəti
mərhələyə – “ictihad” və “təqlid” mərhələsinə qədəm qoydu, müəyyən şərtlərə
sahib fəqih və müctəhidlər fətva vermək və dini-şəri suallara cvab vermək məsuliyyətini
öz öhdələrinə götürdülər. Bu proses indiyə qədər davam edir və bundan sonra da
davam edəcəkdir. Şeyx Tusi yazır: “Şiələr imam Əlinin (ə) əsrindən indiki əsrə
qədər (hicri-qəməri tarixi ilə 5-ci əsr) daim fəqih və müctəhidlərə müraciət edərək,
şəri-dini hökmlərini onlardan soruşur, onların cavab və fətvalarına əməl
edirdilər.[8]
[1] “Ət-tənqihu fi şərhil-urvətil-vusqa”, “Əl-ictihadu vət-təqlid”
bölümü, səh.85-88.
[2] “Vəsailuş-şiə”, 27-ci cild, 4 və 7-ci bölümlər.
[3] Tarixdə göstərilir ki, imam Sadiqin (ə) müxtəlif məntəqələrdən
dörd minə yaxın şagirdi olmuşdur. (“Bax: Əl-imamus-Sadiqu vəl-məzahibul-ərbəə”,
Əsəd Heydər, 1-ci cild, səh.69.)
[4] “Mustədrəkul-vəsail”, 17-ci cild, 11-ci bölüm.
[5] “Vəsailuş-şiə”, 27-ci cild, 11-ci bölüm.
[6] “Vəsailuş-şiə”, 27-ci cild, 11-ci bölüm.
[7] “Vəsailuş-şiə”, 27-ci cild, 11-ci bölüm.
[8] “İddətul-usul.”
Xatırladaq ki,
şəri-dini suallara cavablar gənclər və ali məktəb tələbləri tərəfindən irəli
sürülüb, 10 mərcəi-təqlidin fətvası əsasında hazırlanıb və əziz
oxuculara təqdim olunur. Bu araşdırmanın tənzimlənməsində aşağıdakı nöqtələr
diqqət mərkəzində saxlanılır:
1. Sualların
cavabları mənbələrə əsaslanmışdır;
2. Sualların
cavablarının dəqiqliyi ilə bağlı xatircəmlik əldə etmək üçün möhtərəm mərcəi-təqlidlərin
dəftərxanalarının sual-cavab şöbəsi ilə də əlaqə saxlanılmışdır;
3. Sualların
cavablarında imam Xomeyninin fətvası ilə yanaşı, aşağıda adıçəkilən mərcəi-təqlidlərin
də fətvaları nəzərə alınmışdır:
–Ayətullah
Seyid Əli Xamenei;
–Ayətullah
Seyid Əli Hüseyni Sistani;
–Ayətullah Şeyx
Hüseyn Vəhid Xorasani.
–Ayətullah Şeyx
Hüseyn Nuri Həmədani;
–Ayətullah Şeyx
Lütfullah Safi Qolpayiqani;
–Ayətullah Şeyx
Məhəmmədtəqi Bəhcət;
–Ayətullah Şeyx
Məhəmmədfazil Lənkərani ;
–Ayətullah Şeyx
Mirzə Cavad Təbrizi;
–Ayətullah Şeyx
Nasir Məkarim Şirazi;
Allah-Taaladan
Əhli-beyt (ə) məktəbi və mədəniyyətinin genişlənməsində xidmət göstərən hər bir
kəsə tövfiq diləyirik! / Maide