Ərdoğan Türkiyəni çətinə saldı – Əsəd bəyənatına Çavuşoğludan da izah gəldi
Posted on : Digər sahələr 10/16/2017 1:00:19 PM
Rəcəb Tayyib Ərdoğan Suriyaya Bəşər Əsədi devirmək üçün girdikləri barədə bəyanatı ilə özünü çətin vəziyytə salıb.
İki gündür
Rusiya Ankaradan bu bəyanatla bağlı izahat tələb edir, Türkiyə rəsmiləri də
açıqlamalar verməyə məcbur qalırlar.
Türkiyə
prezident administrasiyasının dünənki açıqlamasından sonra bu gün də məlum bəyanata
xarici işlər naziri səviyyəsində aydınlıq gətirilib.
Türkiyə XİN rəhbəri
Mövlud Çavuşoğlu rusiyalı həmkarı Sergey Lavrovla birgə keçirdiyi mətbuat
konfransında bildirib ki, Suriya məsələsində Ankara Moskva ilə eyni siyasət
yürüdür.
“Suriya münaqişəsinin
siyasi həlli yolunun tapılması və bu ölkəyə sistemli humanitar yardımın
çatdırılması ilə bağlı gələcəkdə də Rusiya ilə uzlaşan siyasət həyata keçirəcəyik.
Türkiyənin bu istiqamətdəki siyasəti dəyişməz olaraq qalır. Biz başqa ölkələrlə
də əməkdaşlıq edirik. Lakin hesab edirik ki, Rusiya ilə əməkdaşlığımız daha çox
bəhrə verəcək», deyə Çavuşoğlu əlavə edib.
Qeyd edək ki,
Kremlin məlum bəyanatla bağlı izahat tələbinə Ərdoğan administrasiyasından dünən
verilən cavab belə olmuşdu: «Türkiyə prezidenti Rəcəb Tayyib Ərdoğanın Bəşər Əsədi
hakimiyyətdən uzaqlaşdırmaq istədiyi ilə bağlı bəyanatını hərfi mənada başa
düşmək lazım deyil».
Mənbə onu da
bildirmişdi ki, rəsmi Ankara Rusiya ilə aralarında yaranmış bu anlaşmazlığın
tezliklə aradan qalxacağına ümid edir. /nur