İqtisadçı: Avropalı siyasətçilər xalqa yalan danışırlar
Posted on : Digər sahələr 10/16/2017 1:00:19 PM
İngiltərədən olan iqtisadçı Avropa siyasətçiləri və medialarının xalqı aldatdıqlarını deyib.
PressTV-nin
verdiyi məlumata görə, Radni Şekspir bu kanala verdiyi müsahibədə Avropadakı
iqtisadi böhran barəsində deyib: Müxtəlif ölkələrdə yaşanan iqtisadi böhrana
görə, müxtəlif şirkətlərin işçilərinin etiraz aksiyalarının şahidiyik. Bu şirkətlərdən
biri Almaniyanın Lufthanza hava yolları şirkətidir. Artıq bir müddətdir ki, bu
şirkətin işçiləri və pilotları etiraz aksiyasına başlayıblar. Yeni il bayramı ərəfəsində
bu məsələ insanlar üçün ciddi problemlər yarada bilər. Qərb dövlətlərinin
yanlış iqtisadi siyasətləri üzündən Avropada bir çox işçinin əmək haqları
azalıb və əmək təhlükəsizliyi təhdidlərlə üzləşib. Təəssüflər olsun ki, mövcud
vəziyyət sadəcə sərmayə sahibləri və iri şirkət sahiblərinin xeyrinədir. Təəssüflər
olsun ki, Avropada işsizlərin sayı ilə bağlı xalqa yalan məlumat ötürülür.
Avropada işsizlik səviyyəsi 12% yox, 25%-dir. Gənclər arasında işsizlik səviyyəsi
isə 2 dəfə çoxdur. Əslində Lufthanza şirkətinin pilotlarının etiraz aksiyası
Avropadakı iqtisadi böhranın sadəcə kiçik bir nümunəsidir. Buna görə də
Avropada hakim quruluşlar əleyhinə hərəkatların formalaşmasının şahidiyik.
Avropa Birliyində üzvlük ilə müxalif olan sağçı qruplar güclənir və iqtidara gəlirlər.
Bu arada medialar dövlətlər ilə əlbir olaraq, onların yalanlarını yaymaqla məşğuldurlar.
Halbuki, xalq sadəcə gündəlik yaşamın gerçəkliklərini görür və çətin vəziyyətə
dözməli olur.