"Hərbi cinayətləri barədə susulması üçün Səudlar Qərbi satın alıb"
Posted on : Digər sahələr 10/16/2017 1:00:16 PM
Sabiq bəhreynli deputat Cəlal Firuz regionda Səud təcavüzünə qarşı Qərbin susqunluğunu tənqid edib
Sabiq bəhreynli
deputat Cəlal Firuz regionda Səud təcavüzünə
qarşı Qərbin susqunluğunu tənqid edib. Onun sözlərinə görə, hərbi cinayətləri
barədə susulması üçün səud rejimi Qərb hökumətlərini satın alıb.
Cəlal Firuz
bildirib: "Səudların İslam dünyasında baş verən bütün terror aktlarında
iştirak etdiyi, həmçinin terror təşkilatlarını
dəstəklədiyi barədə bu gün əlimizdə aydın dəlillər var".
Onun sözlərinə
görə, bu sübutlar günü-gündən daha da aydınlaşır: "Səudlar bu gün İraqda
İŞİD-ə qarşı mübarizə aparan və torpaqlarını terrorçulardan təmizləmək istəyən İraq qüvvələrinə qarşı
çıxırlar. Bu, onların terror dəstələrini dəstəklədiklərinə daha bir
sübutdur".
Səudiyyə Ərəbistanın
Beynəlxalq Cinayət Məhkəməsinə cəlb edilməsi məsələsinə gəlincə isə
siyasətçi deyib: "Bunun üçün bir neçə addım atılıb. Ancaq, elə bil ki, bu
məhkəmə də Səudiyyə Ərəbistanı ilə yaxşı əlaqəsi olan Qərb rejimlərinin təsiri
altındadır"
Siyasi ekspert
deyib: "Yəməndəki hərbi cinayətləri
Səudiyyə Ərəbistanı törətməsəydi, BMT bunları
hərbi cinayət adlandırardı və cani BCM-nə aparılardı. Lakin, təəssüf ki,
hazırda Qərb Səud rejimini cani adlandırmaqdan çəkindirir".
Britaniya hökumətinin bu günə kimi Səudiyyəni dəstəkləməsinə və ona
silah satmasına gəldikdə isə Cəlal Firuz deyib: "Qərb rejimləri səudlara silah satarkən, ancaq öz maliyyə maraqlarını
düşünürlər. Onlar hərbi kompaniyalarının silah sata bilməsi üçün regionda
böhran görmək istəyirlər. Bundan başqa onlar Səudiyyə Ərəbistanında ucuz neft
alırlar, beləliklə də maliyyə cəhətdən qazanırlar".
Siyasətçi səudların
Qərb hökumətini satın almaları ilə tanındığını vurğulayıb və bildirib ki,
Almaniya, o cümlədən Qərb bütün bunları dayandırmalıdır.
Politoloq həmçinin
bildirib ki, səudlar İsrail
rejiminn yolu ilə gedir: "İsraillilər Ekspansionist siyasət yürüdür və insanları qəddarcasına
qətl edirlər. Səudlar da Yəməndə və Bəhreyndə insanları öldürməklə analoji
addımı atırlar"
Xatırladaq ki,
bir neçə gün öncə Londonda Səudiyyə Ərəbistanı səfirliyinin qarşısında nümayiş
həyata keçirib. Aksiyaçılar Əl-Səud ailəsinin
həyata keçirdiyi vəhşilik və hərbi cinayətlərə qarşı öz qəzəblərini nümayiş ediblər. Onlar
"Rədd olsun Əl-Səud ", "Uşaq qatili Əl-Saud",
"diktator Əl-Səud"
şüarları səsləndirib və üzərində
Yəməndə bombardman nətcəsində qətliam edilən günahsız uşaqların fotoları olan
plakatlar tutmuşdular.
Bəhreyn, Suriya
və İraq aktivistləri də səudların terror təşkilatlarına, xüsusən İŞİD-ə dəstəklərinə qarşı susqunluqlarını kəskin tənqid
ediblər. /FaktXəbər