Kərbəla qatilləri seriyasından: Həkim bin Tufeyl
Posted on : Aşura 10/16/2017 1:00:16 PM
Kərbəla qatilləri seriyasından: Həkim bin Tufeyl
Həkim bin
Tufeyl Tay Kərbəla hadisəsində Ömər bin Sədin ordusunda olub və Həzrət Abbas
bin Əlinin (ə) qatillərindən, həmçinin Aşura günü İmam Hüseynin (ə) bədənini
üstündən at sürmüş şəxslərdən biridir.
Həyatı
Həkim bin
Tufeyl Tay qəbiləsindən və Adiy bin Xatəm Tay ilə eyni tayfadandır. Buna görə də
Muxtarın adamları tərəfindən həbs olunanda Adıy bin Xatəmdən onun üçün vasitəçi
olması istənilib.
Anadan olması və
həyatı haqqında sənədli bir məlumat yoxdur. Muxtarın qiyamında hicrətin 66-ci
ilində öldürülüb. Şeyx Tusi və Əllamə Hilli onu Həzrət Əbülfəzl Abbasın (ə)
qatili kimi göstərirlər.
Aşura vaqiəsi
Həkim bin
Tufeyl Aşura günü Ömər bin Sədin ordusunda xidmət edib. Həzrət Abbas bin Əliyə
(ə) Fərat çayından qayıdanda xurmalıqda pusqu qurub və onun sol qolunu kəsib. Həzrətin
şəhadətindən sonra da silah və paltarlarını oğurlayıb.
Həkim bin
Tufeyl Aşura günü əsr vaxtı Ömər bin Sədin əmri ilə İmam Hüseynin (ə) bədəninin
üstündən at sürən on atlıdan biridir. Həmin atlılar Peyğəmbər balasının bütün
sümüklərini sevinərək sındırıblar.
Ölümü
Hicrətin 66-cı
ilində Muxtarın əmri ilə Abdullah bin Kamil və döyüşçüləri Həkim bin Tufeyli həbs
edib. Ailəsi Adiy bin Xatəmidən Həkimin bağışlanması üçün vasitəçi olmasını istəyib.
Lakin İbn Kamil və adamları Adiy bin Xatəmin vasitəsi ilə Muxtarın onu
bağışlayacağı qorxusu ilə Həkim bin Tufeyli ilk öncə Həzrət Abbasın (ə)
paltarlarını oğurladığı üçün onun paltarlarını çıxardırlar, sonra İmam Hüseynə
(ə) tərəf atdığı və bədəni üzərində at sürdüyü üçün ox yağışına tuturlar.
Tarixçilərin nəql etdiyinə görə, bədəninə o qədər atıblar ki, kirpiyə
oxşayırmış./ faktxeber