"Farsnews"-a istinadən, İraqın Baş naziri Heydər əl-Abadi Türkiyəni Səddam Hüseynin yanlışlarını təkrarlamamağa çağırıb.

Qonşu ölkələrə İŞİD barədə xəbərdarlıq edən Abadi bildirib: "Qonşu ölkələr bu təhlükəni nəzərə almalı və terrorla mübarizədə bizimlə həmkarlıq etməlidirlər."

Türkiyə qüvvələrinin İraq hakimiyyətinə hörmət qoymasını istəyən Abadi deyib: "Türkiyə prezidentinə tövsiyə edirik ki, Səddamın ölümcül yanlışını təkrarlamasın. İŞİD-in təhlükəsi yalnız İraqı deyil, bütün dünyanı təhdid edir."

Mosul əməliyyatına da işarə edən nazir bildirib: "Yaxın günlərdə Mosulda İraq ordusunun qələbəsinin şahidi olacağıq. Bizim əsas hədəfimiz şəhər sakinlərinin qorunmasıdır."  / İslamazeri