Yəmənə hücum edən koalisiya qüvvələrinin mətbuat katibi Əhməd Əsiri paytaxt Sənada 9 yüzə yaxın insanın ölümünə və yaralanmasına səbəb olan qətliam barədə açıqlama verib.

Səudiyyə Ərəbistanının müdafiə naziri və şahzadəsi olan Məhəmməd ibn Salmanın köməkçisi olan Əhməd Əsiri cinayət törətdiklərini etiraf edib.

"Səudiyyə ərəb koalisiyasının araşdırma nəticələrini qəbul edəcək cəsarətə sahibdir. Ən vacibi koalisiyanın prinsipi olmayan belə bir səhvin bir də təkrarlanmayacağıdır. Hərbi əməliyyatların istiqamətini dəyişəcək yeni yollar axtarırıq. Bizim məqsədimiz Yəmən xalqına xidmət etməkdir. Biz bu hadisəyə görə çox narahatıq. Çünki koalisiyanın ən böyük məqsədi Yəməndə təhlükəsizliyi və sabitliyi təmin etməkdir", deyə Əhməd Əsiri vurğulayıb.

"Ənsarullah" hərəkatından verilən açıqlamada isə diqqətə çatdırılıb ki, koalisiya qüvvələri və Səudiyyə Ərəbistanı törətdiyi cinayəti pərdələmək üçün belə yalan sözlərdən istifadə edir. /eastnews