Azərbaycanda hicablı şagirdlərin təhsil problemləri hələ də davam edir. Bu dəfəki şikayət isə ölkəmizin ikinci böyük şəhəri olan Gəncədəndir.....

Mən dərslərimi evdə də olsa, məktəbin pilləkənlərində də olsa oxuyacam. Amma.......

9 yaşlı Fatimənin hicablı olduğu üçün dərsə buraxılmaması cəmiyyətdə narahatçılıq yaratdığından daha ətraflı məlumat paylaşmaq üçün Gəncə şəhərinə səfər edəsi olduq. 39 saylı orta məktəbdə Fatimə ilə həmsöhbət də ola bildik. Söhbətimizi sizlərə təqdim edirik.

- Salam Fatimə.

- Salam.

- Neçə yaşın var?

- 9 yaşım tamam olub

- Neçənci sinifdə oxuyursan?

- 3 cü sinifdə.

- Dərsə buraxmırlar səni?

- Xeyr, buraxmırlar.

- Səbəbi nədir?

- Hicablı olduğum üçün qoymurlar.

- Bir az dəqiqləşdirmək istəyirik, necə qoymurlar? Məktəbə buraxmırlar, ya sinifə?

- Sinifə girirəm müəlliməm deyir ki, direktor hicablı şagirdlərə dərsdə oturmağa icazə vermir, sinifdən çıxmağımı tələb edir, çox istəyirəm ki, mən də sinif yoldaşlarımla bir parta arxasında oturub dərslərimi oxuyam.

- Müəlliməniz kimdir?

- Mustafayeva Bəsdi.

- Sinifdən çıxmasaz nə cür, məcbur edirlər?

- Bəli, məcbur edirlər.

- Valideyinləriniz məşğul olur bu işlə?

- Bəli, direktorla da, təhsil idarəsinin müdürü ilə də görüşüblər. Hər ikisi icazə olmadığını deyir.

- Dərsə buraxmasalar nə edəcəksiniz?

- Mən dərslərimi evdə də olsa, məktəbin pilləkənlərində də olsa oxuyacam. Amma çox istəyirəm ki, sinif yoldaşlarımla bir sinifdə oxuyam. Məni kimi dərsə buraxılmayan çox saylı şagirdlər var. Bizim belə müəllimlərə qarşı nifrətimiz var. Biz Allahın əmrlərinə tabe olduğumuz üçün yaşadıqlarımız problemlər çətinlik yaratmır, amma onlar şeytana ibadət etdikləri üçün həm bu dünyada əzab çəkirlər, həm də axirətdə xar olacaqlar, inşəAllah.

Daha sonra Fatimənin valideynindən bu haqda bizi məlumatlandırmağını xahiş etdik. Fatimənin anası dərs günü başlayandan bu problemlə rastlaşdıqlarını,Fatimənin əmisi tərəfindən məktəbin direktoru Nizami Rzayevlə və Təhsil idarəsinin müdiri Zakir müəllimlə görüşəndən sonra problemin 2 günlük dayandığını daha sonra yenidən bu problemlə üzləşdiklərini bildirdi. Daha sonra Təhsil nazirliyində geyim işləri üzrə məsul şəxs Aydın müəllimlə əlaqə saxladıqlarını, onun isə bu məsələyə münasibətini bildirdi. "Aydın müəllim dedi ki, dindarlara böyük rəğbəti var,amma hicab dini atribut sayıldığından məktəblərdə buna qadağa qoyulub." Daha sonra biz konstitusion hüquqlarımızı tələb etdik. Hər kəsin dinindən, irqindən, siyasi mənsubiyyətindən asılı olmayaraq təhsil almaq hüququnun olduğunu və bir müsəlman kimi bizim məktəbə hicabla getmək hüququmuzun olduğunu anlatdıq. İkinci cavabı isə fərqli oldu:"Hansı kitabda yazılıb ki, hicab geyinmək lazımdır? Hicab ərəb geyimidir." Siz müsəlmansınız? Sualına isə: "əlbəttə müsəlmanam" cavabını verdi. Amma mən deyərdim ki, o, Qurani Kərimin ayələrindən xəbərsiz olan,hətta xəbəri olsa belə ayələri inkar edən müsəlmandır. Allah bizlərə səbr, vəzifə səlahiyyitlərini aşan məmurlara isə insaf versin.

fb.com/Hicablı Xanımlar Mərkəzi