Azərbaycanın ardınca Küveytdə də əzadarlıq mərasimləri yasaqlandı
Posted on : qafqaz 10/16/2017 1:00:15 PM
Azərbaycan Respublikasında əzadarlığın qadağan olunmasının ardınca Küveytin vəhabi dövləti də vəhabi müftilərinin istəyi ilə əzadarlığın küçə və xiyabanlarda keçirilməsini yasaqlayıb
Tashaio.com xəbər verir ki, Küveyt Daxili İşlər Nazirliyi ölkənin şiələrindən
istəyib ki, Məhərrəm ayına aid əzadarlıq mərasimlərini küçələrdə təşkil etməkdən
çəkinsinlər.
Bir sıra
hüseyniyyə rəhbərləri bildiriblər ki, DİN terror hadisələrinin qarşısını almaq
məqsədilə təhlükəsizlik planları icra edir və ona görə də küçələrdə əzadarlıq
keçirməyəcəklər. Digər tərəfdən Küveytin “Ər-Rəy” qəzeti yazıb ki, DİN-in nümayəndəsi
general Süleyman Fahd terror hadisələrinin qarşısını almaq üçün küçədə əzadarlığın
keçirilməsi qadağan olduğunu və heç kimin bu göstərişdən boyun qaçırmağa icazəsi
olmadığını deyib. Fahd vurğulayıb: “Ötən il vətəndaşlarınəməkdaşlığı sayəsində
təhlükəsizlik planlarını uğurla həyata keçirdik”.
2011-ci ildə əhalinin
siyahıya alınması statistikasına görə şiələr Küveyt əhalisinin 30 faizini təşkil
edir. Ötən il İmam Sadiq (ə) məscidində törədilən terror hadisəsində 26 nəfər şəhid
oldu. Ona görə də dövlət məsulları ibadət mərkəzlərinin, hətta kilsələrin təhlükəsizliyini
təmin etmək üçün sərt tədbirlər həyata keçirirlər.
Qeyd edək ki,
general Fahd Səudiyyə Ərəbistanı ilə yaxın münasibətləri ilə tanınır. Bəzi xəbərlərə
görə S. Ərəbistanı və Küveyt təhlükəsizlik orqanlarının rəhbərləri bu ölkədə şiələrə
məhdudiyyətlər yaratmaq üçün razılığa gəliblər.