“Farsnews”-a istinadən, İranın İnqilab Keşikçiləri Korpusunun baş katibinin müavini Hüseyn Səlami gündəmdə olan məsələlərlə bağlı çıxış edib. Ölkənin bütün sahələrdə müstəqil olmasının zəruriliyini bildirən Hüseyn Səlami deyib: “Biz hərbi cəhətdən tamamilə daxili qüvvəmizə söykəndiyimiz üçün fəxr edirik. Bizim raketlərimiz 3 min k/m ərazini görüntüləmə və hədəfə alma qabiliyyətindədir. Biz "Fatih", "Zülfüqar", "Qədr", "Hörmüz" və digər raketlərimizlə düşmənin hədəfinə hücum edə bilərik. Bu gün raketlə dolu meşələr və tunellər düşməni hədəfə alma qabiliyyətinə malikdirlər. Əgər bu gün ölkəmiz bölgədə və hər tərəfdən mühasirə olunmuş halda təhlükəsiz həyat yaşayırsa, millətimizin gücü və Ayətullah Xameneinin hikmətli rəhbərçiliyi ilə baş vermişdir.” / İslamazeri