Azərbaycan Respublikasında Müaviyə dövrü təkrarlanmaqdadır
Posted on :
Video
10/16/2017 1:00:15 PM
Azərbaycan dövlətinin son gizli təşəbbüsü Müaviyənin, oğlu Yezidi canişin etmə təşəbbüsü kimidir
Azərbaycan dövləti ötən
neçə ay ərzində konstitusiyanı dəyişdirməklə öz qüdrətini möhkəmləndirmək və
hakimiyyəti irsə çevirmək təşəbbüsünü başlamışdır.
Azərbaycanin şərəfli milləti boğuntu bir şəraitə baxmayaraq dövlətin bu kimi
müaviyəvarı hərəkətinə reaksiya versə də, bu istiqamətdə hətta AİP lideri etiraz
üçün aclıq elan etsə də bu dövlətin dünya şeytanları və qərb imperializmi ilə həmrəy
olduğuna görə bütün bu müxalifətlərin xeyri olmamışdır. Elədir! Tarix təkrarlanmaqdadır.
Bəniüməyyə dövrünün tarixinə ötəri bir baxış göstərir ki, bu kimi iqtidar yönlü
və mütləqiyyətçi təşəbbüslər müsəlmanlara hakim kəsilmək üçün zalım hakimlərin
tərəfindən dəfələrlə həyata keçirilmişdir. Burada Müaviyənin Yezidi canişin etmək
istiqamətində ilk gizli təşəbbüsünə işarə edirik: Müaviyə öz hakimiyyətini möhkəmləbdirmək
və Üməvi hakimiyyətini irsə çevirmək, eləcə də öz anti-din təşəbbüsünü davam
etdirmək məqsədilə Yezidin vəliəhdlik planını həyata keçirməyə başladı. O,
hakimiyyətinin başlanmasından etibarən bu planı düşünürdü. Müaviyənin öz şəxsiyyəti
və hakimiyyət tərzindən əlavə Osman xilafətinin ilk illərində Əbusüfyanın vəsiyyəti
də bu prosesin bir amili kimi nəzərə alınmalıdır. O, bəniüməyyə övladına vəsiyyət
etmişdi ki, xilafəti bir top kimi öz əllərində gəzdirsinlər və hətta onu bir
uşağa tapşırmalı olsalar belə əldən verməsinlər. Əlbəttə Müaviyə yaxşı bilirdi
ki, bu planı həyata keçirmək bir çox problem və maniələrlə qarşılaşacaqdır. Bu
problemlər bir tərəfdən Yezidin mənfi və cinayətkar şəxsiyyətindən irəli gəlirdi.
Çünki o, laqeyd, hərzə, ləyaqətsiz, fasid və bir sözlə dinsiz bir adam idi və
ümumi fikir, xüsusilə hələ həyatda olan və Peyğəmbərin davranış və hökumət tərzini
unutmayan əshabələr və böyük müsəlman şəxsiyyətlər asanlıqla Yezid kimi bir şəxsi
xəlifəliyə qəbul etməzdilər. Digər tərəfdən isə barışıq müqaviləsinin bir bəndinə
əsasən xilafət Müaviyədən sonra Əli oğlu Həsənə yetişməli idi. Həsənin həyatda
olmaması təqdirdə isə Əli oğlu Hüseynə yetişməli idi və Müaviyə özünə canişin təyin
etmək səlahiyyətinə malik deyildi. Buna görə də nə qədər ki, imam Müctəba sağ
idi, Müaviyə canişin mövzusunda böyük bir maniə ilə üzbəüz idi. Bütün bunlardan
əlavə qabaqkı xəlifələrin heç biri o zamana kimi öz oğlanlarını canişin təyin
etməmişdilər. Əslində də xilafət irsi xarakter daşımırdı ki, ata öldükdən sonra
oğul onun yerini tutsun. Bütün bu maniə və problemləri başa düşən və zəmin
hazırlanmadan belə bir təklifin irəli sürülməsinin islam cəmiyyəti tərəfindən qəbul
edilməyəcəyini və müxtəlif problemlərin və hökumətə zərərli olan mənfi nəticələrin
meydana çıxacağını bilən Müaviyə əvvəllər o planı irəli sürmkədən çəkinirdi.
Buna görə də o, əlverişli şəriti güdür, səbr edir, lazım olan planlar və dəsisələr
hazırlayırdı. Səfərlərə çıxır, məktublar yazır, şirnikləndirmələr və hədə-qorxular
etməklə bəzilərini özünə tərəf çəkir və digər təşəbbüslərə əl vururdu. Nəhayət
ömrünün son illərində canişinlik mövzusuna şərait yarandı və islam cəmiyyətini
belə bir mövzunu qəbul etmək qənaətinə gətirdi. Sözümüzün sonunda işarə etməli
mövzu budur ki, belə bir şum hədəfə çatmaq vasitələri indiki dövrdə artıq dəyişmiş
və Azərbaycan dövləti populyar xarakter daşıyan referandumdan istifadə edir ki,
şübhəsiz hamı onun formal xarakter daşıdığı fərqindədir.