Müsəlmanın iki mərhələli qorxu hissi
Posted on : Digər sahələr 10/16/2017 1:00:13 PM
Müsəlmanı islah edib möminlik dərəcəsinə çatdıran iki mərhələli qorxu hissi
Xof ərəb dilindən
qorxmaq deməkdir. Bu Qurani-Kərimdə bəzən xəşyət, vəcəl və rəhbət kəlmələri ilə
də ifadə olunur. Onların arasında azacıq fərq olmasına baxmayaraq, əsasən qorxu
mənasında ifadə edilirlər.
Qorxu mənfi
haldır. İnsan qorxduğu məsələnin həllində də aciz qalar. İnsan qorxduğu məsələdən
uzaq gəzdiyindən onun həllinə də nail ola bilmir. Xüsusilədə psixoloji baxımdan
qorxuya qalib gəlmək üçün qorxulu məsələnin birbaşa içinə daxil olmaq gərəkdir.
Qurani-Kərimdə
buyurulub:"Bilin ki, Allahın dostlarının heç bir qorxusu yoxdur və onlar qəm-qüssə
görməzlər."
Amma bəzən
qorxu müsbətdir. O qədər ki onun bəndəçilik xəttində qalmasını sığortalayır.
Hədislərin
birində buyurulub: "Bütün qorxular qorxaqlıqdır. Yalnız Allahdan
qorxmaq xatircəmlik, təskinlik və
arxayınlıqdır."
Elə müsəlmanı
islah edən də bu qorxu hissidir ki, ona Allahdan xof etmək də deyilir.
İmam Sadiqin (ə)
hədisinə görə, möminin həyatında iki mərhələli qorxu hissi var və bu onun bəndəçilikdə
qalmasını sığortalayır.
İmam (ə)
buyurub:
"Mömin iki
qorxu arasında yaşayır: Keçmişdə etdiyi günaha görə qorxur və Allahın həmin
günahları bağışlayıb bağışlamadığını bilmir. Eləcə də, qalan ömrünə görə qorxur
və bilmir ki, bu müddətdə ölümə səbəb olan hansı günahları edəcək. Beləliklə,
mömin daim qorxu içindədir və qorxudan başqa heç nə onu islah etməz." /
İslaminSesi