Hesabatda bildirilir ki, Səudiyyə Ərəbistanının başçılığı ilə ötən ilin mart ayından indiyədək 10 mindən çox yəmənli öldürülüb və milyonlarla insan evlərindən didərgin düşüb.

BMT insan haqları ofisi cümə axşamı günü açıqladığı hesabatda bildirib ki, bu qətliamdan başqa Səudiyyə rejimi Yəməndə digər cinayətlərdə törədib və ehtimal olunur beynəlxalq qanunları pozub.

BMT-nin insan hüquqları üzrə ali komissarı Zeid Raad əl Hüseyn bəyanat yayaraq Yəməndə insan hüquqlarının aşkar pozulması haqqında beynəlxalq araşdırma aparılmasını istəyib.

BMT-nin hesabatında bildirilir ki, insan tələfatının çoxu hava hücumları nəticəsində baş verib. 

BMT hesabatda Səudiyyə qırıcılarının yaşayış yerlərinə, bazarlara, xəstəxanalara, məktəblərə hücumlar etdiyini bildirib. Araşdırmalar nəticəsində hücum olunan bölgələrdə hərbi obyektlər aşkarlanmayıb.

Səudiyyənin məqsədli qətllər törətdiyi, o cümlədən 6 jurnalisti öldürdüyü bildirilib və bu hərəkətlər pislənilib.